2033/2025-2026

Champhai, dated 24th October, 2025: Champhaiah nikum July 2024 leh September, 2025 chhunga ram dang atanga dan lova cigarette lakluh Controller of Legal Metrology thupek leh District Magistrate hriatpuinain Legal Metrology Office tual, Champhai Vengsang-ah tihchhiat a ni.

He hun hmanpuitu Champhai Bawrhsap Pu Mohammad Aaquib chuan dan lova cigarette lakluh leh zawrh mante tihralna hun hman a ni chu tha a tih thu sawiin, mipuite zirtir leh dan lova thil tih do kawngah rah tha a chhuah ngei a beisei thu a sawi a. Mipui rawngbawl sak leh dan lova thil tih do kawnga Legal Metrology-te thawhpuitu Assam Rifles, Police Department, District Anti-Tobacco Squad-te thahnemngaihna fakawm a ti thu a sawi a. Chhiah chawi lova dan lova cigarette lakuhin ram sum leh pai dinhmunah nghawng nasa tak a neih thu a sawi a. Vantlang hmun pawimawh, zirna in leh a chhehvelah meizial zuk leh zawrh khap tlat a ni tih sawiin, dan lova hmalakna do kawngah leh ruihhlo khawih that loh zia inzirtir kawngah tun aia tan lak a tul thu a sawi a. Hemi hnu hian dan lova lakluh leh zawrh chhuah cigarette mante District Magistrate ho tihchhiat a ni.

He hun puala inkhawm tawi kaihruaitu Pu V. Lalfakzuala, Assistant Controller, Legal Metrology, Champhai chuan Legal Metrology (Packaged Commodities) Rules 2011 rule 6 leh 'The Legal Metrology Act, 2009 section 18 in thuneihna a pek angin dan bawhchhiaa lakluh foreign cigarette-te man thin an ni, a ti a. Dan lova lakluh cigarette te'n chhiah an chawi lova, declaration mumal an nei lova, dan hnuaia zawrh chhuah thin cigarette hralhna chena a nghawng avangin man thin an ni, a ti bawk.

Pu Felix Lalruatsanga, Inspector, Legal Metrology, Champhaiin report a pe a, cigarette man te hi packet nuai khat singnga (1,50,000) brand hrang hrang , tualchhung rate-a chhuta cheng nuai 150 (₹1,50,00,000) man hu a ni a, heng contraband cigarettes te hian Legal Metrology Act , 2009 an zawm loh avangin Rule 19 hnuai a sub rule (4) & (6) Legal Metrology ( Enforcement ) Rule, 2010 hmangin Cotroller of Legal Metrology in Disposal order a chhuah hmanga tihchhiat a nih thu a sawi.

He hunah hian Legal Metrology Department thawktute, Champhai District Anti-Tobacco Squad, Police Department  leh I&PR Officials an tel a ni.