Vawiin khan chawhma khan Champhai DC Conference Hall, Keifangtlangah District Bawrhsap Dr Naveen Aggarwal, IAS hovin  India Republic Day 2019 kumin January Ni 26-a hman dan tur relin Champhaia Sawrkar Depaertment hotute leh NGO aiawhte an thukhawm. 

Meeting chuan Champhaia Republic Day lawmna chu Chhangphut Field-ah chawhma dar 10:30 atanga hman tan ni se a tiin, Khuallian atan Champhai Bawrhsap  Dr.Naveen Aggarwal, IAS chu ruat a ni a. Meeting chuan Republic Day chu urhsun leh mipui huapzo taka hman tur a relin,   he ni pual hian  Parade Contingent – armed, unarmed, school leh Band party te neih  nise a ti a,  inelnaa tithate hnenah lawmman tha tak pek nise a ti bawk.

Vawiin thutkhawmah hian Sawrkar Department hrang hrangte mawhphurhna leh tihturte semrual niin, Member-te hnen atanga rawtna thlente sawiho a ni a. Republic Day puala Parade turte inpuahchahna chu January Ni 21 atanga remchan dana tan nise tih ani bawk.

Republic Day Celebration Committee chuan Republic Day chu India ram ni pawimawh bik anih ang ngeiin Sawrkar hnathawk leh Mipuite chu he ni hi ngaipawinawha  kal theuh turin a sawm a. Sawrkar Pisa leh Zirna Inah te hnam puanzar zar theuh nise tih ani a. Tin, Republic Day puala Football leh Volley ball inelna siam chu tha tiin tanpuina sum pek dan turte pawh sawihoa remtih a ni.

Vawiin Meeting-ah hian Sawrkar Department hotute, NGO aiawh leh , Chanchinbumite an tel a ni.