Vawiin chawhnu khan Champhai AH & Vety Complex-ah Champhai DAHVO Pu Lalchungnunga Pudaite chuan Champhai District chhunga chhungkaw hrang hrang 257 hnenah RKVY (Rastrya Kendra Vijaya Yojna) scheme kal tlangin vawk vulh tur 257 a sem.
DVO Pu Lalchungnunga Pudaite chuan RKVY scheme kal tlanga Vawk sem takte hi a pui atana vulh chhawn tur anih thu sawiin, a puitlin huna talh emaw tih ral phal a nih loh thu a sawi a. An enkawl zui zel danah te pawh vil zui an nih tur thu sawiin, a hmaa RKVY scheme hnuaia ar leh vawk sem tawhte pawh vil zui zel an nih thu a tarlang a ni.
Champhai District chhunga khaw hrang hrang atanga chhungkua thlan chhuahte hnena vawk pakhat theuh pek a ni a. Beneficiary-te dawn vawiin a vawk sem tak te hi Myanmar atanga chawkluh niin, vawk pakhat man hi Rs. 5000/- zel a lei a ni.
