4205/2025-2026

Champhai, dated 29th January 2026: Vawiin chawhma dar 11:00 khan Circuit House Conference Hall, Champhaiah District Agriculture Marketing Committee (DAMC) Champhai buaitsaihin Sawhthing chingtute tan Sawhthing thar chhuah te felfai taka enkawl zui leh a hralhna te chinfel dan tur inzirtirna hun neih a ni a. Pu Vanlalpara DCIO leh supervisor Farkawn SCC, chuan hemi hun hi kaihruai in hun a hmang.

DCIO chuan kalkhawmte chu pawl khat an ni tawh a, an hnathawh zawng zawng te langtlang tak leh eng hunah pawh endik tlak a an hnathawh te vawng turin a chah a.

Sawrkar hotu ten bana kaih hmanga hmalakna felfai a siamsak hi a lawmawm a,kum lo awm leh zel turah pawh kalphung felfai tak nena an kal chhunzawm zel theihna turin hmathlir thui tak a nei tih a sawi.

Primary Collection Centre (PCC) ah hian Sawhthing lak tawh te phurh kual leh hralhna chungchanga an mawhphurhna te tarlan niin, PCC in a thil tum ber chu awlsam, langtlang tak leh mumal taka he hna kalpui ani tih a tarlang a. Secondary Collection Centre (SCC) ah hian Mizoram chhunga thlai hralhna atana hnathawh dan, chanvo leh mawhphurhna te tarlan a ni a. Sawrkar in a hralhna man duansa anga hralh a nih theih nan mawhphurna hrang hrang te tarlan a ni.