2157/2025-2026

Champhai, dated 17th September, 2025: Vawiin khan Champhai DC Conference Hall, Keifangtlangah Bawrhsap Pu Mohammad Aaquib hovin Champhai District chhunga faina beihpui Swachhata Hi Seva Campaign, 2025 kalpui dan tur rel a ni a, Campaign Khuhhawnna leh Faina thutiam lak nghal a ni.

Swachhata Hi Seva Campaign hi kum tin neih thin a ni a. Kumin hian kum dang zawng aia uar zawka mipui a tam thei ang ber tel theihna tura ruahhmanna siam a ni. He faina beihpui hian a tum ber chu kan ram, kan khua leh vengte a lo fai lehzual theih nan mipui hnena faina chungchang inzirtir te, faina kawnga a tam thei ang ber thawk chhuak tura hmalak te, hmun bal zual lai hmantlaka chhuah theih tura tihfai hnatlang neih bakah, faina nitin nunphunga bet tlat tura in zirtirna leh sanitary workers pawihmawhna hrilhhriat te a ni.

Vawiin thutkhawmah hian Champhai  District-a Swachhata Hi Seva Campaign 2025 September ni 17 atanga October ni 2 thleng awh hmalakna tur hrang hrang duan niin Department hrang hrang, VC, NGO te bakah Faina hnathawktute tana a thlawna inentirna Health Department ten an buatsaih tur chungchang te sawiho a ni bawk.