No.1049/2020-2020

Vawiin khan Champhai DC Conference Hall-ah State pawna tangkhang mek hruai haw turte lo dawnsawn dan tur District Bawrhsap Pu Mark Lalthanliana hovin rel a ni a. He hunah hian COVID-19 Nodal Officer leh Incident Commander te an tel a ni.

State pawn atanga rawn thleng turte hi an tam tham avangin Staging Area siam ni se tiin meeting chuan a rel a, a hmun atan Vanlallawma Indoor Stadium, VANIS Kahrawt chu ruat nghal a ni a.Counter 3; mipa, hmeichhia leh kum upa zawk te luhna tur Counter siam nise ti a rel niin, Staging Area-ah hian Screening Centre dah a ni ang a, Home Quarantine theih turte dan anga a tul angte buaipuiin siam rem tur a ni ang. VANIS ah hian Current leh tui supply a awm loh avang leh inthiarna a that tawk loh avangin DSYO chu a tul ang ang te lo buaipui chhunzawm tura ruat anih bakah line department dangte mawhphurhna sem an ni bawk.

He hunah hian Sawrkar in Quarantine Facilities a ngah loh avangin state pawna awm mek lo haw turte chu an chhungte'n an chenna inah quarantine an lo tihsak theih chuan nasa takin a pui thei dawn tih tarlan a ni. Hei bakah hian dawr hawn hun leh lirthei tlan hun siam bawhchhia te chungah khauh taka action lak a tul thu tarlan niin, dan bawhchhiate chungah action lak a tul thu tarlan a ni a. Dawr hawn hun lova dawr hawng leh lirthei tlan hun lova tlan man te chungah action lak zel nise tih a ni bawk.