2166/2023-2024

Champhai the 5th October, 2023 - Nimin khan District Legal Services Authority, Chhamphai buatsaihin District & Sessions Judge, Champhai pisa ah Undertrial Review Committee Meeting neih a ni.

He hun hi Pu Liansangzuala, District & Sessions Judge Champhai, Chairman District Legal Services Authority ni bawkin a kaihhruai a. Champhai Judicial District hnuaia Administrative District pahnih, Champhai leh Khawzawl atangin thuneitu hrang hrang Deputy Commissioner Champhai, Addl. Deputy Commisioner, Khawzawl, Addl. Superintendent of Police, Champhai & Khawzawl, Jail Superintendent, Champhai & Khawzawl, Public Prosecutor, Champhai District Court te leh Champhai District Court a Judicial Officer te an kalkhawm.

Chairman, Pu Liansangzuala chuan Supreme Court leh National Legal Services Authority in a phut angin District thuneitu hrang hrang te telna Undertrial Review Committee chu din a nih thu leh hunbi nei a thutkhawm thin a nih thu a sawi.

He meeting ah hian an thubuai ngaihtuah lai jail tang (Undertrial Prisoner) te dinhmun hrang hrang te thlirletin dan ang a an chanvo te chak lehzuala an hmuh theih dan tur sawiho a ni. Dan bawhchhiatna hrang hrang chungchang leh a venna kawnga hmalakna te thlirhloin thawhhona tur a hmachhawp hrang hrang te saiho a ni. Jail tang zingah rualbanlohna (disability) avanga harsatna nei ten an khawsak awlsamna atan an hmanraw mamawh ang te an hmuh theihna tur te ngaihtuah dan tur chungchang te sawiho a ni.

Law Enforcement lam leh Medical lam thawktute indaihlohna avanga harsatna tawh thin te leh a sutkian theih dan tur leh rawtna siam tul te an sawi ho bawk.