2676/2025-2026

Champhai, dated 16th December 2025: Vawiin khan Champhai War Memorial hmunah India leh Pakistan indonaa sipai boral te hriatrengna ni Vijay Diwas chu hman a ni.

He hunah hian Addl. DC Pu James Lalnithanga chuan thu sawiin kan ram tana nun chan khawpa inpe sipai huaisen tak tak te zahna chibai buk turin kalkhawm te a sawm a, hetiang huaisenna kan nei pha ve lo a nih pawhin ram tan kan thiam ang zela inpe thei turin a chah bawk a ni.

He hunah hian District Sainik Welfare & Resettlement Officer Major Johnny Malsawmzuala chuan Vijay Diwas hman chhan te leh District Sainik Board hnathawh leh kalphung te a sawi a, war memorial-ah sawrkar hotu pawimawh te, khawtlang hruaitu leh sawm bik chi hrang hrang mi 13 in sipai huaisente hriat reng nan pangpar an dah a ni.