771/2025-2026

Champhai, dated 9th June 2025: Vikshit Krishi Sankalp Abhiyan (VKSA) Campaign chu Champhai District chhunga khaw hrang hrang Ngur, Zote, Bethel, Zokhawthar, Melbuk, Mualkawi, Vaikhawtlang, Khuangphah leh Hnahlan ah te KVK Champhai District, Khawzawl leh Agriculture, Horticulture leh Veterinary Sciences Department te leh Agricultural Technology Management Agency (ATMA) a mithiamten ten vawiin khan an chhunzawm leh a ni.

He hunah hian department hrang hranga mithiamte hian khaw hrang hranga kuthnathawktu kalkhawm te hnenah hian PM Kisan chungchangte leh Sawrkarin Scheme hrang hrang a kalpui te bakah thlai chi tha chinga, thiamna thar zawkte department atanga la zung zunga department te chhawr tangkai lehzual turin an chah a, kut hnathawktute hian an thlai chin kawnga an harsatnate thlenin, a bikin Sawhthing leh an thlai chin eichhetu rannung leh thlai te enkawl dan leh an ranvulh ASF laka an him dan tur ziritirna te an pe nghal bawk. Zawhna leh chhanna hun hlawkthlak tak hmangin kuthnathawktute hnenah leaflet an pe chhuak bawk a ni.

VKSA Program hian a tum ber chu ni 12 chhunga thiamna tharlam kuthnathawktu tam zawkte hnena pek chhuah a ni a, chumi atan chuan District tina Department a mithiamten he hun hi an hmang a ni. He campaign hi team 3 a insiamin District tina KVK a Subject Matter Speciallist (SMS) te chu team leader an ni a, team tin te hian nikhatah khua 3 zel an tlawh chhuak a ni.