795/2025-2026

Champhai, dated 10th June 2025: Champhai District-a Vikshit Krishi Sankalp Abhiyan (VKSA) Campaign chu vawiin khan khaw hrang hrang - Vanzau, Bungzung, Zawngtetui, Bulfekzawl, Hruaikawn, New Hruaikawn, Leisenzo, Leithum leh Dungtlang ah te KVK Champhai District, Khawzawl leh Agriculture, Horticulture, Veterinary Sciences Department leh Agricultural Technology Management Agency (ATMA) a mithiamten ten an chhunzawm leh a ni.

Vikshit Krishi Sankalp Abiyan (VKSA) Awareness Campaign hi 29th May, 2025 khan Pu K. Vanlalthiana, Deputy Commissioner, Khawzawl District chuan Khawzawl Zaingen Hall-ah a hawng a, department hrang hrang - KVK, ICAR, Agriculture, Horticulture leh Vety. atanga mithiamten he campaign hun hi an hmang chhunzawm nghal ani. He campaign a telte hi team 3 ah inthenin Team leader te hi Pi R. Vanlalduati, SMS (Soil Sc.), Pu Rambuatsaiha, SMS (Agronomy) leh Dr. Lalngaihawmi, SMS (Plant Protection) niin Krishi Vigyan Kendra (KVK) Champhai District, Khawzawl a mite anni. He awareness campaign-ah hian Khawzawl leh Champhai district bawrhsap te chuan theihtawp chhuahin a tul ang apianga hman turin motor an tirchhuak thin bawk ani.

VKSA campaign ah hian kuthnathawktute tana pawimawh Central sorkar hnuaia scheme hrang hrang te, heng Deparment Agriculture, Horticulture leh Vety. atanga scheme hrang hrang awm mipui te la hriat loh leh thlai chinna lam kawnga thiamna thar te, rannung leh natna kahna leh hlo tur damdawi hman dan te inhrilh hriatna neih a nih rualin, kan leilung sawngbawl danah tun aia hmasawn zawk leh kan thlai chin te hlawk zawka tharchhuah a nih theih nan leitha hman dan tawk te inhrilhriatna hun hman a ni bawk a, chutih rual chuan kan ranvulhten hriselna tha zawk an lo neih theih na tura enkawl dante inzirtir nan hun hman a ni.

VKSA Awareness Campaign hi kum 2047 lo awm tura Vikshi Bharat Mission (Developed India) a puan anih theih nan India ram chhunga District 700 a loneitu mi 1.5 crores te hnenah he campaign hi kalpui mek a ni a, Scientist ten an thiamna Laboratory a an hmuhchhuahte chu an kawtkaiah ngeia hrilh hriat an nih theih nana he program hi buatsaih a ni.