MLA General Election 2028 neih zawh taka vote tla chhiar tur Counting Supervisor, Counting Assistant leh endiktu tur Micro Observerste an duty na tur hmun Assembly Constituency theuha semrualna Second Randomisation of Counting Official chu tukin zing dar 8 khan NIC Conference Hall ah neih a ni. Vote chhiarna tur Counting Hall te pawh buatsaih fel vek tawh niin vote chhiar turte pawhin training an nei fel vek tawh a ni.

Champhai District Assembly Constituency pangaa vote tlate chhiar tura ruat Counting Supervisor, Counting Assistant leh Micro Observer 45 theuhte hi Computer hmangin an duty na tur Assembly Constituency ah semrual niin naktuk vote chhiar ni zing dar 5 ah an duty na tur dawhkan semrual ani ang.

Tukin Counting Official semrualna hunah hian Pu Debashis Das, Counting Observer forLengteng A/C, Pu Ramakrushna Sahoo, Counting Observer for Tuichang A/C, Pu Narander Kumar Meena Counting Observer for Champhai North A/C, Pu Bijay Kumar Rath Counting Observer for Champhai South, Dr. Naveen Aggarwal, DEO, RO leh EO Champhai te an tel a ni.

Vawiin vek khan Vote chhiar  endik tura ruat Micro-Observer 45 te pualin training thawhhnihna Counting Observer ten General Establishment, DC Pisaah an neihpui leh a ni. 

Naktuk zing dar riat atangin vote chhiar hi tan a ni dawn a, 21-Lengteng (ST) A/C biala Vote tla chu Vote tla chhiarna Dawhkan 8 hmangin Observers’ Room, DC office-ah chhiar a ni anga, round 5 chhunga chhiar zawh hman tum a ni a. 22-Tuichang (ST) A/C a vote tlate chu District Panchayat Resource Centre (DPRC) Auditorium-ah chhiar tur a ni a, Vote tla chhiarna Dawhkan 7 awmin round 6 chhunga chhiar zawh hman tum a ni.

23-Champhai North (ST) A/C a vote tlate chu General Establishment, DC Office-ah chiar a ni ve thung dawn a, Vote tla chhiarna Dawhkan 8 awmin,  round 5 chhunga chhiar zawh hman tum a ni a. 24-Champhai South (ST) A/C biala vote tlate chu District Emergency Operating Centre (DEOC), DC Office-ah Vote tla chhiarna Dawhkan 7 hmangin  round 5 chhunga chhiar zawh hman tura ruahman a ni a. 25-East Tuipui (ST) A/C a vote tlate chu DPRC Conference Hall-ah Vote tla chhiarna Dawhkan 7 hmanga chhiar tur niin,  round 6 chhunga chhiar zawh hman tum a ni a. Assembly Constituency tinah hian Postal Ballot Paper leh VVPAT Paper Slip chhiarna tur Dawhkan 1 ve ve a awm zel dawn a ni.

Champhai District chunga Assembly Constituency 5 awmah Polling Sation 137 a awm a, EVM a vote tlate chhiarna tur Dawhkan 27, Postal Ballot chhiarna 5 leh VVPAT chhiarna tur 5 a awm dawn a, vote tla zawng zawng chhiar zo tur hian round 27 a ngai dawn a ni.