3086/2024-2025

Champhai, 19th November, 2024: Vawiin  chawhnu dar 1 khan Champhai DC Chamber ah ‘World Toilet Day 2024’ pual campaign chu Pu VL Remliana DC, Champhai leh District Water & Sanitation Mission Chairman ni bawk chuan a hawng.

He hun hi Er. ZD Dengthuama, Member Secretary District Water & Sanitation Mission chuan kaihruaiin  Pu VL Remliana DC chuan thu a sawi a. Champhai Bawrhsap chuan World Toilet Day hman  a ni chu lawmawm a tih thu sawiin, he  campaign hi a pawimawh em em a,  Khua emaw Veng hmasawnna tehfung  pakhat chu inthiarna tha neih hi a ni, a ti a. Kan inthiarna  kan tih that a, a hmunhma kan vawn thianghlim  hi  hriselna , faina leh mihring changkanna kawngah hmasawna min thlentu anih avangin mi zawng zawng ten kan ngaih pawimawh a ṭul a, midangte pawh hrilh hre tu ni ṭheih tura chahin World Toilet Day, 2024 chu a hawng a ni.

Pi Julie C Mawii, Mission Coordinator chuan World Toilet Day, 2024  chungchang leh hmalak dan te sawiin, kumin World Toilet Day-ah hian ‘Ek In Lungmuanna Hmun’ thupui a hman a ni tih a tarlang a. Campaign denchhen hian Champhai  District chhungah mimal inthiarna 136 pek tum a ni a,  vantlang inthiarna chhia siamthat leh cheithat hna  neih tum a ni a, he mi tur hian zirchianna (survey) kalpui mek a ni, a ti bawk.

He hunah hian Champhai District Water & Sanitation Mission (DWSM)  thutkhawm neih nghal a ni a. ‘’Jal Jeevan Mission (JJM)’ hnuaiah kum 2024 chhungin Champhai District-a thingtlang khua a in zawng zawng ah tui thianghlim pek hman vek tum a nih thu tarlan niin, he scheme hnuaia hmalak tawhna leh he mi kawnga hmabak la awm te sawiho a ni bawk.