1056/2025-2026

Champhai, dated 4th July 2025: Vawiin chawhma dar 11 khan Champhaiah District AIDS Prevention & Control Committee (DAPCC) chu Champhai Bawrhsap leh Chairman ni bawk Pu Mohammad Aaquib hoin DC Conference Hall, Keifangtlangah Red Ribbon Quiz Competition neih dan tur relin an thukhawm.

Red Ribbon Quiz Competition hi zirlaite hnena HIV laka inven dan, in enkawl dan leh a hrik vei te thinhrik lova tha taka enkawl dan zau zawka inhrilhhriatna kalpuina tura tih a ni a. He Quiz Competition hi Mizoram State AIDS Control Society hnuaia District AIDS Prevention & Control Committee kaltlanga buatsaih tur a ni.

Thutkhawmnaah hian ruihhlo leh mipat hmeichhiatna hmansualna laka la fihlim te an fihlim zel theihna turin Middle School, High school leh Higher Secondary School an kal lai atanga HIV chungchang zirtirna pek a pawimawh thu tarlan niin zirlai kum 13 atanga 17 inkar, pawl 8, 9 leh 11 tan HIV chungchang inzirtirna kalpui nan August ni 8, 2025-ah Champhai District chhunga school 50 aia tlem loah ‘Red Ribbon Quiz’ buatsaih turin ruahhmanna siam a ni a. School level-a inelnaa titha Team 10 thlanchhuah te hian August ni 29, 2025-ah District level-ah inelna an nei leh ang a, pakhatna hian Rs. 7000, pahnihna in Rs. 5000, pathumna in Rs. 4000 leh Consolation prize 1000 an dawng dawn a ni.

Red Ribbon Quiz’ Competition ah hian Team khatah mi 2 zel awm tur niin Mizoram puma Quiz zawhna hman tur hi MSACS lamin a inang vekin an buatsaih dawn a ni.