No.1394/2021-2022

Aizawl 15th July 2021: Aizawl DC chuan Chanmari West hmun thenkhat Containment Zone/Area-a puan a nih thu a chhuah a. Hemi chungchanga DC thuchhuah chu a hnuai a mi ang a ni e.

Aizawl khawpui chhungah COVID-19 positive hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a  puan  a ngai tih hmuh a ni a.

Chief Medical Officer, Aizawl East in zirchianna leh a tul anga hma a lak hnuin Chanmari West chu Containment Zone/Area-a puan rawtna a rawn thlen a.

Chuvangin, Section-34(b)(c) of the Disaster Management Act, 2005 behchhanin a hnuaia Chanmari West hmun thenkhat tarlan te hi ni 14.07.2021 (Nilaini) Zan dar 10:00 atangin Containment Zone/Area-ah puan a ni.

Heng area chhungah hian Deputy Commissioner-in phalna a pekte, Medical duty, Security duty, helai hmuna duty pawimawh nei tura ruatte leh SOP for Containment Zone/Area vide Order No.C.16011/298/2020-DC(A)/Lockdown dt. 30.06.2021 in phalna a pekte bak mi tumah an lutin an chhuak tur a ni lova, veng leh veng inkalpawhna kawng (main road) erawh chu ding lova tlan tlang phal a ni ang. Containment Zone-a hman tura inkaihhruaina (SOP) siam chu mitinin zawm vek tur a ni.

CHANMARI WEST Containment Zone/Area puanna:

Group 1 : Chawngbawla Section :

Pu Saithanchhunga (L) Building atanga kal phei in an lane   phei  zawng UPC (NEI) Biak In leh Quarter huam tel in, Vanapa Section area chhung a PHE Quarter pahnih a huam tel ang.

Group 2 : Neuva Section :

Zuang tuikhur atangin Central road  chhim  lama  rawn  zawh  pheiin Pu Lalremruata Hauzel In bul step-ah lo chhuk thlain vantlang kawng a zuk pawh thla anga, vantlang kawng zawh thla in Zuang tuikhur bul step lo chhuk thla a paw hang. He step vek hi zawh chho in Zuang tuikhur a pawh chho ang.

Group 3: Taitesena Section :

Pi Lalzemi (L) leh Pu A. Biaklawma Building huamin Saron Road zawh pheiin YMA Buk bul  vantlang   step  zawh  thla   in  Pu  H.   Lalfakzuala  leh Pu H. Lalthanzauva te unau ho building huamin Vaivakawn Road a pawh ang. Chuta tang chuan CVTTP Library bul vantlang step zawh thla in Central Road a pawh  thla anga,   hmar lamah phei zelin Community   Hall bul vantlang step zawh chho leh in Pu Lalmalsawma (Sena) Building a han pawh ang. Chuta tang chuan Vaivakawn Road zawh chho in a a bul tanna Pi Lalzemi building a han pawh ang. Hemi inkar kawng chhak lam zawng a huam ang. (Pi Thanchhingi leh Pi C. Zohmingthangi building a huam lovang).

(Total Number of Household contained – 125)

Buffer Area :

1. Chawngbawla Section : Civil Pensioner Building leh NK Siama Building.

2. Neuva Section : Pu C. Lalremthanga Building.

3. Taitesena Section:   Pi Lalthamuani, Pu PC Thangvela (L) leh Pu Lalbiaksiama Colony Building, Pu Saitluanga Sailo, Pu L. Nghakliana leh Pi Vanlalremi Family.

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.