Vawiin khan Chapchar Kut, 2017 puala Photo Exhibition Vanapa Hall-a neih chu Pi Lalnithangi, Director, I&PR in a hawng. Photo Exhibition Mizoram Photographers Society, Art & Culture Department leh Information & Public Relations tangkawp buatsaih a niin thlalak 145 tarchhuah a ni a. Hawnna inkhawm hi Pu Johny Ngurthansanga, President, MPS in a kaihruai a ni.

Pi Lalnithangi chuan Chapchar Kut puala Photo Exhibition neih chu lawmawm a tih thu sawiin thlalak te hian thu tel lovin Mizo hnam nunphung leh ziarangte a tarlang a, hengte thlalak tangte hian thangtharten Mizo hnam nunzia tam tak an hriat theih phah dawn avangin thlalakte hi an tangkai em em a ni, a ti. Mizoram Photographers Society member te chu mahni hlawkna tur um lova thlalak an tui chilhna avangin thui tak an lokal tawh a. An thlalak atangte hian ram tan rohlu tak an hnutchhiah mek a ni, a ti.

Photo Exhibition hian nithum awhin Inrinni March 4 thleng a awh dawn a ni.