Chapchar Kut 2014 hman dan tur vawiin khan Art & Culture Minister Pu R.Romawia hovin a pisaah Organising Committee ten an sawiho.

He meeting-ah hian Minister chuan Kut hlawhtling taka hman anih theih nan tanrual a tul thu sawiin, kan chindan leh hnam zia rang chhawm nun zel nan heng Kut te hi hman a tul thu a sawi a ni.

Tun kum Chapchar kut hi ni khat awh ni se ti a rel niin, Aizawlah chuan Sipai Lammual-a hman leh tur a rel a ni a. Kut programme kimchang tur chu Programme sub-committee in lo buaipui se ti a rel a ni.

Tun kum Chapchar Kut rual hian Food Fest, Mizoram Food Mission buatsaihin hman a ni dawn bawk a. Heng bakah hian Chapchar Kut denchhenin Bamboo Exhibition leh Flower Show te a awm dawn bawk a ni.

Minister hi Pu H. Zothangliana, Parliamentary Secretary in a tawiawm a ni.