Vawiin khan Art & Culture Minister Pu PC Zoramsangliana hovin a bangla-ah Chapchar Kut leh Guinness World Record siamna tura Organising Committee an thukhawm a. Hemi ni atana hun hman dan tur Programme an siam fel ta.
March ni 11, 2010 ah hian Chapchar Kut chawhma dar 10:30 ah AR Lammual-ah Chapchar Kut lawmna programme hi tan a ni anga. Kut Pa atan Pu Lal Thanhawla, Chief Minister niin Kut Thlengtu atan Pu PC Zoramsangliana, Art & Culture Minister a ni ang. Kut Thlengtu Pa in thuhma tlem a sawi zawhah hunserh Bishop Stephen Rotluanga’n a hmang anga. Bethlehem Corps ten rimawi remin chumi zawhah hlado chham leh silai kah in a zui ang.
Inlawmna thu Pu Lalchungnunga, President, CYMA in a sawi anga. Khatla YMA Branch zaipawl te an zai anga, Kut Pa thusawiin a zui ang. Heng bakah hian Cheraw Kan runpui, mal zai, mipa zai rual, tlanglam, chhawnghnawh, darbu tum, pipu zai leh pawnto leh lemchan ten a zui anga, nilengin hun hlimawm taka hman tum a ni.
March ni 12, 2010 ah hian Bamboo Dance (Cheraw Kan) a Guinness World Record siam tumna programme hman a ni anga. Chhun dar 12:00 atanga chawhnu dar 2:00 thleng inenlawkna a hun hman a ni anga, chawhnu dar 2:00 ah chiah Guinness World Record atan Cheraw kan a ni anga. London atanga lokal Adjudicator in a endik nghal ang. Record siamna atana Cheraw kan zawhah hian vawikhat kan chhuah leh a ni anga, tichuan Assam Rifles Lammual-ah result puanna leh certificate hlanna neih nghal a ni ang. Chawhnu dar 4:00 ah ropui thei ang berin baloon thlawk thei, hlado leh tlangtlir ten a zui anga, Ramhlun North leh South Branch YMA zaipawl in ‘Lalpan thil ropui tak min tihsak e’ tih hla an rem anga, hemi hnu hian Zira Hnamte, ‘Sudden Muanga Champion of the Mizo’ tih leh KC Runremsangi, Lallawmpuia leh K.Lalthangzela ten Hnam Hla in an awi nghal anga. Hemi zawh hian Adjudicator hian Press Conference a nei zui dawn a ni.
Hemi ni chhim tur hian India ram pawn leh India ram chhung hmun hrang hrang atangin an lokal dawn a, Lammual-ah Cheraw kan bu 141 leh a dang zawng Sikulpuikawn atanga Chanmari kawn thleng an entir anga. Helicopter in chunglam atangin thla a la bawk dawn a ni. Hemi ni hian a chhim tur mipui zawng zawngte Mizo hnam incheia inchei vek tura beisei an ni a. Hlim thei ang bera hman tum a ni.
Inlawmna thu Pu Lalchungnunga, President, CYMA in a sawi anga. Khatla YMA Branch zaipawl te an zai anga, Kut Pa thusawiin a zui ang. Heng bakah hian Cheraw Kan runpui, mal zai, mipa zai rual, tlanglam, chhawnghnawh, darbu tum, pipu zai leh pawnto leh lemchan ten a zui anga, nilengin hun hlimawm taka hman tum a ni.
March ni 12, 2010 ah hian Bamboo Dance (Cheraw Kan) a Guinness World Record siam tumna programme hman a ni anga. Chhun dar 12:00 atanga chawhnu dar 2:00 thleng inenlawkna a hun hman a ni anga, chawhnu dar 2:00 ah chiah Guinness World Record atan Cheraw kan a ni anga. London atanga lokal Adjudicator in a endik nghal ang. Record siamna atana Cheraw kan zawhah hian vawikhat kan chhuah leh a ni anga, tichuan Assam Rifles Lammual-ah result puanna leh certificate hlanna neih nghal a ni ang. Chawhnu dar 4:00 ah ropui thei ang berin baloon thlawk thei, hlado leh tlangtlir ten a zui anga, Ramhlun North leh South Branch YMA zaipawl in ‘Lalpan thil ropui tak min tihsak e’ tih hla an rem anga, hemi hnu hian Zira Hnamte, ‘Sudden Muanga Champion of the Mizo’ tih leh KC Runremsangi, Lallawmpuia leh K.Lalthangzela ten Hnam Hla in an awi nghal anga. Hemi zawh hian Adjudicator hian Press Conference a nei zui dawn a ni.
Hemi ni chhim tur hian India ram pawn leh India ram chhung hmun hrang hrang atangin an lokal dawn a, Lammual-ah Cheraw kan bu 141 leh a dang zawng Sikulpuikawn atanga Chanmari kawn thleng an entir anga. Helicopter in chunglam atangin thla a la bawk dawn a ni. Hemi ni hian a chhim tur mipui zawng zawngte Mizo hnam incheia inchei vek tura beisei an ni a. Hlim thei ang bera hman tum a ni.
