Art & Culture Minister hova ni 9.2.2009-a thlirlawk tawh angin kumin Chapchar Kut chu ropui leh hlimawm thei ang bera nikhat chhung hman tura ruahman a ni a. Hemi chungchang relho turin Chapchar Kut Organising Committee member-te chu vawiin khan Chief Secretary’s Conference Room-ah Art & Culture Secretary Pu Nghaklianmawia kaihruaina hnuaiah an thukhawm leh a ni.
Kumin Chapchar Kut chu 13 March, 2009 (Zirtawpni) khian Sipai Lammual-ah hman tura ruat a ni a, Mizoram Chief Minister Pu Lal Thanhawla chu ‘Kut Pa’ atan beisei a ni. Mizoram pawn lam atangin Zo hnahthlak aiawhte rawn tel tura sawm an ni bawk. Kut hunah hian YMA branch hrang hrang, MHIP, MUP, MCO leh MZI atangin hnam lam leh zai te, Mizo hnam incheina hrang hrang leh Mizo thil hmunawm tak tak entir tura beisei a ni a. Kumin Chapchar Kut-ah chuan naupang hnam incheinaa incheite chu mipui hmaah tlar tir a, a inchei mawi ber thlana lawmman siamsak te pawh rawt a ni bawk. Committee thutkhawm hmasak zawka Chapchar Kut hmanna tur District tinah Rs.50,000/- theuh budget siamsak nise tih chu rawt tawh nimahse sum awmdana zirin ruahmanna siam leh zawk nise tih vawiin khan rel a ni.
Chapchar Kut ni-ah hian I&PR Department chuan Vanapa Hall-ah Painting leh Photo Exhibition hmuhnawm tak buatsaih a tum bawk a ni.
Chapchar Kut ni-ah hian I&PR Department chuan Vanapa Hall-ah Painting leh Photo Exhibition hmuhnawm tak buatsaih a tum bawk a ni.
