DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/chapchar-kut-puala-mizo-hnam-thuam-inbel-chungchanga-general-administration-department-thuchhuahp

CHAPCHAR KÛT PUALA MIZO HNAM THUAM INBEL CHUNGCHANGA GENERAL ADMINISTRATION DEPARTMENT THUCHHUAH

3919/2023-2024

Aizawl, 22nd February, 2024: Chapchar Kût, 2024 chu Mizoram state pumah March ni 1, 2024 (Zirtawpni) hian lawm tur a ni a. Hemi puala Mizoram sawrkar General Administration Department (GAD) thuchhuah chuan Chapchar Kût chu Mizo hnam ziarang hlutna leh nunphung chawilarna Kût pawimawh tak a nih thu a tarlang a. Mizoram sawrkar hnuaia thawktu zawng zawngte leh state sawrkar hnuaia Public Sector Undertaking, Boards, Bodies leh Agencies hrang hranga thawkte chu February ni 26, 2024 atanga February ni 29, 2024 chhung hian Office-ah Mizo hnam thuam inbel vek tura hriattirin a ngen a ni.

GAD chuan Mizoram sawrkar hnuaia Administrative Head leh Head of Department zawng zawngte chu he thuchhuah hi anmahni department enkawl theuh hnuaia official leh thawktu zawng zawngte hriattir turin a ngen nghal bawk.