Mizote ni ropui, Chapchar Kut chu vawiin khan Mizoram hmun hrang hrangah ropui thei ang bera hman a ni a. Aizawlah chuan Lammualah Mizo lam chi hrang hrang entirin, mal zai leh a huhova zai ngaihthlakte leh pawnto, Mizo inchei, Mizo thawnthu lemchante, Mizoram hmanlai leh tunhnu entirte, khuangchawi leh chhawnghnawh te ropui taka hmang tlangin hun hman a ni a. Chief Minister Pu Lal Thanhawla chu Kut Pa a ni.
Kut Pa lo thlen hian khuallam leh bawhhla a lo hmuah a ni a. Kut Pa chuan Chapchar Kut hi Mizote tan ni ropui tak leh ni pawimawh tak a ni a ti a. Mizo ten kan ni ropui hlut nachang kan hria chu lawmawm a tih thu a sawi a. Kut hi mi mawlte kan nih atanga lo chhuak nimahse,malmak chi anih loh thu sawiin, kristian kan nihna nen indipdal lova kal chho dun zel thei a kan herrem thei te hi a lawmawm a ni a ti a. Kristianna nen inhmeh leh inchawih taka kal dun chho zel tur pawh a ni a, a hman danah kan ti tunlai ta te pawh hi a lawmawmin, a inhmeh em em a ni a ti. Pathian nung fate kan nih angin, eng hna pawh kan thawhna ah kan kristianna nena inmil zelin kan thawk thei a ni a ti.
Chief Minister chuan Chapchar Kut min rawn hlut saka kan state pawn atanga lokal zawng zawngte chungah lawmthu a sawi a. He ni lawmnaa chanvo nei zawng zawngte chu theihtawp chhuah theuh tura chahin, mipui zawng zawng te hnenah Kut Chibai bukin duhsakna a hlan a ni.
Chapchar Kut Thlengtu, Art & Culture Minister Pu P.C.Zoramsangliana chuan ram hmasawnna a kal ruala kan hnam ziarang pholan chhoh zel a ni chu lawmawm a tih thu a sawi a. “Lal Isua nen I kut ang u” tiin mipuite chu a sawm a ni.
Tourism Minister Pu S.Hiato pawhin thusawiin, Chapchar kut hi rethei leh lal awm lova, angkhat tlang taka hman thin anih thu a sawi a. Inngeih tak leh lungrual taka hman thin anihna hian Zoram thar thlentu ni thei se a duhthu a sawi bawk a ni.
Kut rawn chhima rawn hlut saktu te zingah Japan leh USA atangte in mikhual an lokal bakah, state dang atangte in lokal an awm a ni. Kumin Kut lawmna ah hian Assam Rifles hotute pawh an rawn tel bawk.
Kut hmangtute zingah hian Minister, Parliamentary Secretaries te leh MLA te an kal tha hle a ni.
Chief Minister chuan Chapchar Kut min rawn hlut saka kan state pawn atanga lokal zawng zawngte chungah lawmthu a sawi a. He ni lawmnaa chanvo nei zawng zawngte chu theihtawp chhuah theuh tura chahin, mipui zawng zawng te hnenah Kut Chibai bukin duhsakna a hlan a ni.
Chapchar Kut Thlengtu, Art & Culture Minister Pu P.C.Zoramsangliana chuan ram hmasawnna a kal ruala kan hnam ziarang pholan chhoh zel a ni chu lawmawm a tih thu a sawi a. “Lal Isua nen I kut ang u” tiin mipuite chu a sawm a ni.
Tourism Minister Pu S.Hiato pawhin thusawiin, Chapchar kut hi rethei leh lal awm lova, angkhat tlang taka hman thin anih thu a sawi a. Inngeih tak leh lungrual taka hman thin anihna hian Zoram thar thlentu ni thei se a duhthu a sawi bawk a ni.
Kut rawn chhima rawn hlut saktu te zingah Japan leh USA atangte in mikhual an lokal bakah, state dang atangte in lokal an awm a ni. Kumin Kut lawmna ah hian Assam Rifles hotute pawh an rawn tel bawk.
Kut hmangtute zingah hian Minister, Parliamentary Secretaries te leh MLA te an kal tha hle a ni.
