Tukin zing dar 6:00 atanga tan khan Sikulpuikawn leh Chanmari kawn atanga tanin ‘Chapchar Kut Run’ neih niin Aizawl Sipai Lammual-ah YMA Member leh Chapchar Kut tuimi mi thahnem tak an tlan lut a ni.

Chapchar Kut hminga tlante hmaah thu sawiin Pi Vanlalawmpuii Chawngthu, Minister for Fisheries, etc. chuan, ‘Chapchar Kut Run’ hmangin mizote inpumkhatna thalehzual a awm ngei a beisei thu a sawi a, Mizo ten kan pi leh pute atanga kan chhawm, huaisenna, tlawmngaihna leh rinawmna hi i chhawm nung zel ang u a ti a ni.

SBI Regional Manager pawhin Chapchar Kut duhsakna mizo mipuite hlanin, SBI leh Mizo mipuite chu hun tam tak kalta atangin an lo inpuitawn tawh thin thu a sawi.

Inkhawm tawi neihah Pu Lalchuailova, Chapchar Kut Programme Committee Chairman leh Deputy Director, Art & Culture chuan hunserh hmangin inkhawm a kaihruai a, Pu Lalhmachhuana, Chapchar Kut Organising Secretary leh Central YMA General Secretary chuan kalkhawmte lawmna leh Chapchar Kut pawimawhna te a tarlang nghal bawk a ni.