Ni 29.5.2014 (Ningani) zan khan Bethlehem Vengthlang Zirlai Pual Chanchinbu , ZAMZO chuan kumtina an tih thin angin, Bethlehem Vengthlang YMA Hall-ah HSLC leh HSSLC pass tharte leh 2014 Muay Thai Championship, Langkawi, Malaysia-a neiha World No. 3 Isaac Lalruatfela chawimawina hun an hmang a, bialtu MLA Pu R.Vanlalvena, Chairman, ZOHANCO chu khuallian ni. Hemi hunah hian zirlai nu leh pate leh an chhungte bakah, veng chhunga tlawmngai pawl hrang hrang YMA, MHIP leh Kohhran hruaitute an tel tha hle.

Pu R. Vanlalvena chuan, veng bil leh pual bik chanchinbu tihchhuah chu thil harsa tak, hlawkna awm lo leh thil harsa tak anih laia mi thahnem ngai ten Zirlaite hmakhaw ngai tak chunga an pual bik chanchinbu an ti chhuak chu entawn tlak a hle nia a ngaih thu a sawi a, kum tina zirlai pass thar te bakah veng tana mi chuanawm chawimawina hun an hmang thin chu thilchhuanawm leh chin zui tlak anih thu sawiin, MLA Term khat chhung chu hnathawhna hman awm lo khawpa tawi niin sawi mah se, a hun chhung chuan zirlaite leh khawtlang hmasawn nan hna theih tawpin a thawk dawn tih a sawi a, hmasawnna hnathawhna kawngah zirlaite leh khawtlang mipui te chu thawh pui turin a sawm bawk.