DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/chawngtui-east-kawng-siam-mek-avanga-lirthei-tlan-dan-tur-chungchanga-champhai-sp-thuchhuahp

CHAWNGTUI EAST KAWNG SIAM MEK AVANGA LIRTHEI TLAN DAN TUR CHUNGCHANGA CHAMPHAI SP THUCHHUAH

42/2024-2025

Champhai, the 3rd April, 2024: Mizoram PWD te'n Vaphai to Farkawn Road Chawngtui 'O' Point atanga Chawngtui 'E' inkar kawngpui siam hna an thawk mek a. He lai kawng siam hna hi chak taka thawh a nih theih nan naktuk 04.04.2024 atangin he kawng siam zawh a nih hma atana lirthei tlan dan tur ruahmanna a hnuaia tarlan ang hian siam a nih thu Pu Vineet Kumar, IPS, Superintendent of Police, Champhai District chuan a chhuah.

(A) Kawng khar hun:

(i) Zing dar 9:00 atanga chhun dar 12:30 inkar

(ii) Chawhnu dar 1:30 atanga tlai dar 5:00 inkar

(B) Kawng hawn hun:

(i) Chhun dar 12:30 atanga chawhnu dar 1:30 inkar

(ii) Tlai dar 5 atanga a tuk zing dar 9:00 inkar

Thupek hi Government of Mizoram Notification No. B.12021/10/2004-TRP Dt.01.06.2020 leh Motor Vehicle Act 1988 (act 59 of 1988) Section 115 tlawhchhana siam a ni a. He thupek hian Law & Order duty, Medical emergency leh rikrum thila chetvelna a huam lo ang.