No.1996/2020-2020   

Dated Serchhip, the 13^th June, 2020: Vawiin hian MzSRLM hnuaia Village Organization, Chekawn chuan Serchhip Districta Quarantine Centre hrang hranga awm mekte eitur atan thlai leh thei chi hrang hrang Dr. Lalzirmawia Chhangte, IAS, Deputy Commissioner hnenah an hlan.

Chekawn Village Organization aiawh hian Pi K. Thanthuami, Chairman leh Pi C. Lalthlanmawii, LRG ten Chekawn mipuite thawhkhawm thlai leh thei chi hrang hrang: Theihai bag 3, Nimbu bag 1, Sapthei bag 1, Theite bag 1, Antam bag 4, Maian bag 1, Sapthei hnah tel 10, Thingthupui tel 9, Dawlzik tel 10, Chingit tel 30, Bawkbawn bag 1leh Phuihnam tel 10 te hi Bawrhsap hnenah a tul anga an lo hman atan an hlan a ni.

Heng thilpek lo dawngtu District Bawrhsap chuan Chekawn khaw mipui leh Village Organisation chungah lawmthu a sawi a. An khaw mipuite thilphalna leh inpekna chu a fakawm tak zet a, an thilpekte hi kunghran mekte tan malsawmna a nih ngei a beisei thu a sawi a ni.