No.1006/2020-2020

Inkharkhip kalpuina avanga State danga Mizoram mi leh sa tangkhang lo haw tur te fimkhur leh him tak a dawnsawn dan tur ngaihtuah a hmalak mek a ni a. May ni 15, 2020 a lo thleng tur a ngaih, Tamil Nadu a Mizoram mi leh sa tangkhang 975 leh Puducherry a Mizoram mi leh sa tangkhang mi 19, an vaiin mi 994 zanin a Chennai atanga rel a lo haw tur te chu Bairabi rail station an lo thlen hun a lo dawnsawn dan tur ruahmanna siamin Dr H Lalthlangliana, Deputy Commissioner leh Kolasib District a officer thenkhat te chuan tukin khan a hmunah kalin an enfiah.

Kolasib DC Dr H Lalthlangliana chuan Bairabi rel station-ah hian Kolasib District officer, zin haw lo dawngsawng tur a ruat te leh Bairabi khawtlang hruaitute kawmna hun a hmang a. Covid-19 vang a inkharkhipna kalpui mek a kan mizopui state danga tangkhang lo haw turte tha tak a lo dawngsawng turin leh hemi kawnga mawhphurhna hrang hrang neite chuan fimkhur tak leh him tak a mahni chanpual theuhte hlenchhuak turin a chah bawk a ni.

Tamil Nadu-a Mizoram mi leh sa tangkhang lo haw tur te hi a bika ruahman rel hmang a lo haw tur an ni a. Chennai atangin an lo chhuak dawn a ni. Lo haw tur zingah hian Aizawl district atangin mi 404, Lunglei 48, Serchhip 34, Kolasib 50, Champhai 87, Siaha 139, Mamit 93, Lawngtlai 54, Khawzawl 14, Hnahthial 21 leh Saitual district atangin mi 31 an awm a. Puducherry atanga lo haw tur zingah Aizawl District mi 5, Champhai-1, Kolasib-1, Lunglei-4, Mamit-2, Saitual-1, Serchhip-2, Siaha-3 an ni. Rel in Bairabi a lo thlen velah Screening point 10 hmang a endik an ni ang a. An hawna tur motor ruahman niin Bairabi khawchhung paltlang tam lo thei ang ber a kaltir tur an ni ang a, ei leh in inpek dan tur te pawh ruahman fel nghal niin kawng laka din khawtlai awm lovin an thlenna tur hmun pan nghal tur a ruahman a ni. Mizorama lo haw thleng te hi an district awmna azirin an mahni lo dawngsawng a, an kal zui dan tur ngaihtuah turin Officer a hnuai a mi ang hian ruat an ni bawk.

1. Pu ST Lalhmingmawia, 9436140011 Aizawl
DLAO Kolasib
2. Pu Gaston Vanlalhriatpuia, 8974834840 Champhai
DUDO Kolasib
3. Pu Lalengliana, 7005934566 / 8729850552 Hnahthial
SDAO Bilkhawthlir
4. Pu T.Lalremruata, 89748 09691 Khawzawl
Assistant Professor, GKC
5. Lalremruata Sailo, SDAO Kolasib 9436140894 Kolasib
6. Pu Lalchhandama, 9366015033 / 9436154530 Lawngtlai
EE Irrigation and Water Resources
7. Pu Lalrambuatsaiha, DEO Kolasib 9436143314 Lunglei
8. Pu Johny Zothanchama, AE DRDA 8732854353 Mamit
9. Pu Samuel Lalrinawma, DIET Lecturer 8974411676 Saitual
10. Pu H.Lalfakzuala, SDO PWD 98626 27133 Serchhip
11. Pu H.Lallianmawia, EE PHE 8118911320 Siaha