Art & Culture Minister Pu Zoram Sangliana hovin vawiin khan a pisa-ah Mizoram in Bamboo Dance (Cheraw kan) a Guinness World Record siam tura inbuatsaihna a Committee lian ber Organising Committee an thukhawm a, inbuatsaihna a kaltluang zel chu lawmawm an ti hle.
He meeting hi an Chairman Pu PC Zoram Sangliana’n a kaihruai , he Bamboo Dance (Cheraw kan) Guinness World Record siam tura inbuatsaihna kal mek ah YMA Branch hrang hrang, School leh College hrang hrang leh Mizo Cultural Club ten phur taka inbuatsaihna an kalpui mek chu a lawmawm takzet a ni a ti a. Khawvel huapa Mizo hming kan pholanna hun remchang tak a nih dawn avangin a inbuatsaihna lamah pawh Sub-Committee peng hrang hrangte tan la zel turin a fuih bawk.
He meeting-ah hian Sub-Committee hrang hrang ten an hmalakna theuh te report an pe a, tan lakna tur hmachhawpte leh hmalak zel dan turte an sawiho a. A tlangpuiin inbuatsaihna a kaltluang hle a, lawmawm an ti hle.
March 12, 2010 niah hian AR Lammual bakah atanga Sikulpuikawn thleng Cheraw kan a ni ang a. Dar 12:00 atangin lirthei tan kawng khar tan a ni ang a, a lam tur zawng zawng mahni lamna tura ruahmanah an kim vek tur a ni. Dar 12:15 atangin Rehearsal leh Refreshment tanin a karah rimawi remin lam enchinna hun hman a ni anga. Chawhnu dar 2:00 ah chiah Record siam tura lam tur a ni dawn a ni.
Tlai dar 3:30 ah mipui leh lam zawng zawngte AR Lammualah kalkhawmin Result puanna neih tur a ni a. World Record a puan a nih chuan a rualin a ropui thei ang bera ri thei zawng zawng, hlado leh tlangtlir nen hla nen a lawm tur a ni dawn a ni.
Tuna lam tura inhriattir chinah bu 651 an tling tawh a, bu khatah hian mi 16 zel an ni dawn a. Khawpui chhung bakah state leh rampawn atang pawhin Cheraw hi an rawn kan dawn a ni.
He meeting-ah hian Sub-Committee hrang hrang ten an hmalakna theuh te report an pe a, tan lakna tur hmachhawpte leh hmalak zel dan turte an sawiho a. A tlangpuiin inbuatsaihna a kaltluang hle a, lawmawm an ti hle.
March 12, 2010 niah hian AR Lammual bakah atanga Sikulpuikawn thleng Cheraw kan a ni ang a. Dar 12:00 atangin lirthei tan kawng khar tan a ni ang a, a lam tur zawng zawng mahni lamna tura ruahmanah an kim vek tur a ni. Dar 12:15 atangin Rehearsal leh Refreshment tanin a karah rimawi remin lam enchinna hun hman a ni anga. Chawhnu dar 2:00 ah chiah Record siam tura lam tur a ni dawn a ni.
Tlai dar 3:30 ah mipui leh lam zawng zawngte AR Lammualah kalkhawmin Result puanna neih tur a ni a. World Record a puan a nih chuan a rualin a ropui thei ang bera ri thei zawng zawng, hlado leh tlangtlir nen hla nen a lawm tur a ni dawn a ni.
Tuna lam tura inhriattir chinah bu 651 an tling tawh a, bu khatah hian mi 16 zel an ni dawn a. Khawpui chhung bakah state leh rampawn atang pawhin Cheraw hi an rawn kan dawn a ni.
