Chief Miniater Pu Lal Thanhawla chuan Mizo thali ten Art & Culture Minister Pu P.C.Zoram Sangliana lehg Organising Committee huaihawtna kaihhruaina hnuai-a Cheraw Kanah World Record - Guiness Book of World Record an siam chu ropui a tiin, lawmthu a sawi. Chief Minister chuan Central YMA te, branch tin YMA te, Cultural Club te, school naupamg duhawm tak te, NGO hrang hrang te, official te leh phaltaka an tu leh fate fehchhuah phaltu nu leh pa te leh alo hlutsaktu zawng zawngte chungah pawh lawmthu a sawi bawk a. Pathian malsawmna ropui tak a ni tiin, Pathian hnena lawmthu sawi ber tur kan ni a ti.
Aizawl bakah Chapchar Kut hmanna apiangah kan thalaite chu a ti mawitu leh tihlawhtlingtu an ni tiin, Pu Hawla chuan he kan culture tha leh mawite vawn nun rengna kawnga kan thalaite leh tlawmngai pawlte hmalakna pawimawh tak a ni a ti a. Hetianga ram tana phur taka tha leh zung an seng hi a lawmawm takzet a ni a ti.Chief Miniater chuan kan thalaite talent hi kawngtinrengah Cho chhuah tham a awm tih kan hria a, chubangin, an hamthatna tur leh kawng tinrenga hma an sawn theihna turinkan sorkar hian a phak tawk ang angah chuan hma ala zel dawn a ni a ti a. Kan thalaite hi kan ram leh hnam ‘Future’ an ni tiin, an pawimawhna hi hre reng a, ram leh hnam tana an tangkai thewihna tur ang zela an zinga tel ve zel leh hmakhua buatsaih sak zel kan tum a ni a ti. Ringtute kan nihna anga kan chezia engkimah Lal Isua tel ve na tlaka siam a, Lal Isua hmel timawitu ni zel turin kan thlai fel tak takte ka fuih duha, duhsakna sang ber ka hlan a ni a ti.
Hetih lai hian, Mizoram Governor lo ni tawh leh Union Minister pawh lo ni tawh, Pu P.R.Kyndiah chuan Mizoram mipui ten lama Guinness World Record a kan hming a chuang ta chu Mizo mipuite min lawmpui thu Chief Minister Pu Lal Thanhawla chu ‘FAX’ hmangin a rawn hrilh a. A ruala mi sing chuang tum khata an lam chu chhinchhiah tlak a ni tiin, Pu PR Kyndiah chuan hetiang hlim leh lawmna Mizo ten an chang thei hi Mizoram tana Pu Lal Thanhawla kaihhruaina leh a thawhpuite inpekna avanga lo thleng thei a ni, a ti.
Hetih lai hian, Mizoram Governor lo ni tawh leh Union Minister pawh lo ni tawh, Pu P.R.Kyndiah chuan Mizoram mipui ten lama Guinness World Record a kan hming a chuang ta chu Mizo mipuite min lawmpui thu Chief Minister Pu Lal Thanhawla chu ‘FAX’ hmangin a rawn hrilh a. A ruala mi sing chuang tum khata an lam chu chhinchhiah tlak a ni tiin, Pu PR Kyndiah chuan hetiang hlim leh lawmna Mizo ten an chang thei hi Mizoram tana Pu Lal Thanhawla kaihhruaina leh a thawhpuite inpekna avanga lo thleng thei a ni, a ti.
