Chhiatrupna lo thlen thulha rang taka hmalak a nih theih nana mawhphurhna leh chanvo insem zai dan chungchang zirhona - Capacity Building Development Programme, ni 3 awh tur National Disaster Management Authority leh District Disaster Management Authority , Aizawl District te tangkawp huaihawt chu vawiin chawhma dar 9:00 khan Assembly Secretariat Conference Hall-ah neih tan a ni.

DM&R Principal Secretary Pu P.C. Lallawmsanga kaihhruai training-ah hian chhiatrupna thlen huna mawhphurtu hrang hrang ten rang taka hma an lak dan tur - Incident Response Team (IRS) zirho a ni a, Aizawl, Champhai, Mamit leh Kolasib District atangin sorkar department hrang hrang leh pawl hrang hranga mawhphurtu lo kalkhawm te chuan NDMA Consultant Pu BB Gadnayak hovin an zirho a ni.

Capacity Building Development Programme hi ni 3 chhung neih tur a ni a, ni 5 February, 2014 hian Aizawl khawpui chhunga hmun 4-ah NDRF, SDRF, Youth Adventure Club Search & Rescue Team leh pawl dang te nena thawk hovin chhiatrupna lo thlena chetlak dan lemchan/Mock Drill neih a ni dawn a, hemi hunah hian mipui ten lo hriaa lo chi ai lo turin DDMA chuan a ngen a ni.