2881/2025-2026

Lawngtlai 13 January, 2026: Vawiin chhun dar 12: 00 PM khân DC Conference Hall, Lawngtlaiah chhiatrupna thlen thulha chet lâk dan entirna tura inbuatsaihna atân ṭhutkhawm a ni. He hun hi Pu Donny Lalruatsanga District Bawrhsap chuan a kaihruai a ni.

Pu Donny Lalruatsanga chuan Mizoram chu lirnging tawk thei reng dinhmuna a din angin, theihtawpa lo inbuatsaih lawk chu a pawimawh hle a ni, a ti. Mock drill - neih hunah pawh a tak taka thil thleng anga engkim tih chu a tul hle tiin, hna chanpual neite theihtawp chhuah turin a chah a. Mipuite pawh mock drill- neih ni hian chiai lo tur leh sawrkar hmalakna tha taka zawm tûrin a sàwm bawk a ni.

Pu Lalhruaizela, SDC chuan mock drill- neih dan tur sawifiahna a nei a. Lawngtlai chu Ni 15, January 2026 hian 6.1 magnitude lirnghing thleng anga chet lâk tum a nih thu sawiin, zing dar 10 atanga tlai lam dar 6:00 PM thleng hun hman tur a ni, a ti. Lawngtlai Bazar leh Chandmary in rinaah chenna In - 7 chim leh in chimin Lawngtlai College Bus - a chim hnan anga chet tlat tur a nih thu a tarlang a ni.

Vawiin ṭhutkhawmah hian Siaha District Disaster Management Authority member, Khawtlang hruaitute leh tlawmngai pawl hruaitute an tel.