Vawiin hian Vivekananda International Foundation (VIF), New Delhi ah Vivekananda International Foundation (VIF), National Institute of Disaster Management (NIDM) leh Policy Perspectives Foundation (PPF) te tang kawpin ‘Revisiting India’s Response Mechanism: Challenges and Way Forward’ tih thupui hmangin Round Table Conference an buatsaih a. He Conference ah hian Disaster Management & Rehabilitation Department Mizoram aiawh te pawh an tel.
He hun hi Gen NC Vij, Director, Vivekananda International Foundation chuan a kaihruai a. Shri Kiren Rijiju, Union Minister of State (Home) in thu a sawi. Ram chhung hmung hrang hrang atangin chhiatrupna a thlen thulh a hmalatute leh hetiang kawnga mi thiam thlan chhuah te bakah State ti thate chu sawm bik niin thusawina hun pek an ni a. State titha sawm bik zingah Mizoram pawh tel ve in Pu Zothansanga Hmar, District Organiser , Disaster Management & Rehabilitation Department chuan State Disaster Response Force (SDRF) chungchangah powerpoint presentation a pe a ni.
Conference hi nileng a neih niin mithiam thlanchhuahten thupui thlan bik hmangin thu an sawi a. KM Singh, Founder Member, NDMA; Arjun Katoch, Dr Amod Mani Dixit, ED NSET, Kathmandu; AK Sharma, Delhi Fire Services; Dr.Namrata Singh, NSS; Dr. Muzaffar Ahmad, Dr MC Mishra, Director, AIIMS leh Dr PK Mishra, Addl.Principal Secretary, Prime Minister's Office te pawhin thu an sawi a ni.
