No.971/2021-2022
Aizawl 14th June 2021: Vawiin khan Aizawl DC chuan Chhinga Veng hmun thenkhat chu Containment Zone/Area-ah puan tawh chu hlih a nih thu a chhuah a. Hemi chungchanga DC thuchhuah chu a hnuai a mi ang a ni e.
The Mizoram Epidemic Diseases (CoVID-19) Regulations, 2020 Para 11(1)(b) behchhan leh Aizawl DC office lehkha No. C.16011/298/2020-DC(A)/Lockdown Dt. 06/05/2021 hmangin Chhinga Veng hmun thenkhat chu Containment Zone/Area- ah puan a lo ni tawh a. Tin, Aizawl DC Office lehkha No. C.16011/298/2020- DC(A)/Lockdown Dt. 09/06/2021 hmangin Chhinga Veng Containment Zone/Area-a lo puan tawh hmun thenkhat chu sawrzim Order chhuah a lo ni tawh bawk.
Chief Medical Officer, Aizawl East in zirhchianna leh a tul anga hma a lak hnuin in Chhinga Veng huamchhunga mite hi tun dinhmunah mi tumah COVID-19 avanga dinhmun hlauhthawnawmah an awm tawh loh avangin Containment Zone/Area hi hlih rawtna a rawn thlen a. He rawtna ang hian a hnuaia Chhinga Veng Containment Zone/Area-a lo puan tawhna chu 15.06.2021 (Thawhlehni) Zing dar 4:00 atangin hlih nghal a ni.
Covid-19 laka kan himna tur a sorkar kaihhruaina (SOP) siamte vengchhung mipuiten zawm tha chhunzawm zel tura hriattir an ni e.
