No.1232/2021-2022 

Aizawl 2^nd June 2021: Aizawl DC chuan Chhinga Veng (Y-Section) hmun thenkhat Containment Zone/Area-a puan a nih thu a chhuah a. Hemi chungchanga DC thuchhuah chu a hnuai a mi ang a ni e.

Aizawl khawpui chhungah COVID-19 positive hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chief Medical Officer, Aizawl East in zirchianna leh a tul anga hma a lak hnuin, Chhinga Veng (Y-Section) hmun thenkhat chu Containment Zone/Area-a puan rawtna a rawn thlen a.

Chuvangin, Regulation 11(1) of the Mizoram Epidemic Diseases (COVID-19) Regulations, 2020 behchhanin hnuaia Chhinga Veng (Y-Section) hmun tarlan te hi ni 02.07.2021 (Zirtawpni) Zan dar 10:00 atangin Containment Zone/Area-ah puan a ni.

Heng area chhungah hian Deputy Commissioner-in phalna a pekte, Medical duty, Security duty, helai hmuna duty pawimawh nei tura ruatte leh SOP for Containment Zone/Area vide Order No.16011/298/2020-DC(A)/Lockdown dt.30.06.2021 in phalna a pekte bak mi tumah an lutin an chhuak tur a ni lova, veng leh veng inkalpawhna kawng (main road) erawh chu ding lova tlan tlang phal a ni ang. Containment Zone-a hman tura inkaihhruaina (SOP) siam chu mitinin zawm vek tur a ni.

CHHINGA VENG ( Y- Section) Containment Zone/Area:

Pu B Lalngaihawma in atanga Pu H Hrangzuala in thleng Primary School chhak lam zawng bakah Pu K.Lalropianga (L) in a huam tel ang.

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.