484/2024-2025
Dated Serchhip, the 15th May, 2024: Serchhip District chhunga Chhingchhip khuaah tun hnai hian Vawk a thi nual a. Heng vawk thi te hi African Swine Fever (ASF) vanga thi an ni tih finfiah a ni tawh a. Hetiang a nih avang hian he hri a darh zel loh nan he hri len mekna hmun hi Sr. Veterinary Officer Serchhip chuan INFECTED AREA ah May 15, 2024 khan a puang.
Dr. Biaklianzuali, Sr. Veterinary Officer Serchhip chuan The Prevention & Control of Infectious and Contagious Disease in Animal Act 2009, Section 20 Sub-section 1 in thuneihna a pek angin Chhingchhip Khua, Serchhip District chu May ni 15, 2024 atanga thu leh awm hma chu Vawk hri lenna hmun " INFECTED AREA" a ni tih a puang a. Infected Area chhungah hian hengte hi zawm ngei tur a ni:-
1. Chhingchhip khua atanga vawk, vawksa leh vawksa tanga thil siam reng reng lakchhuah emaw lak luh khap tlat a ni.
2. Vawk thi reng reng paih mai lovin, chinai /Disinfectant nen thuk taka phum ngei tur a ni.
3. Vawk talh leh vawksa zawrh khap tlat a ni.
4. Vawk thi an awmin A.H & Vety.Department Official te hnenah hriattir vat thin tur a ni.
