Pu A.N. Bokshi, Chief Controller of Account, Ministry of Law & Judicial, Govt. of India chuan vawiin khan Kolasib tlawhin College Venga District Court a tlawh a. Court building leh a chhehvel, tunhnai maia luah tak chu a fang kual a ni.
Amah lawmna inkhawm Court Room No 1 a neihah thu sawiin Pu A.N. Bokshi chuan, Court tih changtlun nana theihtawpa hmalak a in huam thu a sawi a. Court tih phuisui nan hian Central in za a 50 tumin state sorkar-in za a 50 a tum a. State sorkar-in tul leh tha nia a hriat rawtna a thlente chu theihtawpin kan lo tang ang, tiin a sawi a ni.
Mizoram chu kawng hrang hrangah hma sawnin ziak leh chhiar thiam tam lamah pawh hmahruaitu hial nimahse, thil tam takah a la hnufual hle a ni Pu Bakshi chuan a ti a. District 8 lai awmna state in Engineering College pakhat mah ala nei lo chu thil inhmeh lo tak nia a hriat thu a sawi a. A mit ngeia Zoram mipuite dinhmun a hmuh leh hriat atangin Pu Bokshi chuan Zoram-in a mamawh chu lehkha thiamna satliah ngawt ni lovin eizawnna kawnga thiamna thuk zawk (Technical knowlegde) a ni, a ti a. Ram vah leh hala lo neihin ram a tihchhiat nasat zia uar takin a sawi bawk a ni.
Pu HTC Lalrinchhana, Civil Judge, Kolasib chuan he inkhawm hi kaihruaiin India rama hotu sang takin Kolasib a tlawh chu Court building la maupang takin kawng hrang hranga thuam that belha a lo awm phahna tur a nih ngei a rin thu a sawi a. Kolasib District Court hmasawnna tura pawimawh hrang hrangte sawilangin chak zawka mipui rawngbawl nana Judicial Officer hnaruak hnawh khah te, thawktute tana quarter ruahman te, staff tih changtlun te, Court building kawta motor hunna felfai zawk siam leh hmanraw tih changtlun thuai te a tul thu a sawi a ni.
Kolasib District Court hian nikum 2008 chhung khan fine, bail bond leh thildang atangin pawisa Rs. 71,848 a hmu a ni.
Mizoram chu kawng hrang hrangah hma sawnin ziak leh chhiar thiam tam lamah pawh hmahruaitu hial nimahse, thil tam takah a la hnufual hle a ni Pu Bakshi chuan a ti a. District 8 lai awmna state in Engineering College pakhat mah ala nei lo chu thil inhmeh lo tak nia a hriat thu a sawi a. A mit ngeia Zoram mipuite dinhmun a hmuh leh hriat atangin Pu Bokshi chuan Zoram-in a mamawh chu lehkha thiamna satliah ngawt ni lovin eizawnna kawnga thiamna thuk zawk (Technical knowlegde) a ni, a ti a. Ram vah leh hala lo neihin ram a tihchhiat nasat zia uar takin a sawi bawk a ni.
Pu HTC Lalrinchhana, Civil Judge, Kolasib chuan he inkhawm hi kaihruaiin India rama hotu sang takin Kolasib a tlawh chu Court building la maupang takin kawng hrang hranga thuam that belha a lo awm phahna tur a nih ngei a rin thu a sawi a. Kolasib District Court hmasawnna tura pawimawh hrang hrangte sawilangin chak zawka mipui rawngbawl nana Judicial Officer hnaruak hnawh khah te, thawktute tana quarter ruahman te, staff tih changtlun te, Court building kawta motor hunna felfai zawk siam leh hmanraw tih changtlun thuai te a tul thu a sawi a ni.
Kolasib District Court hian nikum 2008 chhung khan fine, bail bond leh thildang atangin pawisa Rs. 71,848 a hmu a ni.
