1825/2025-2026

Dated Aizawl, the 9th October, 2025: Vawiin khan Chief Electoral Officer (CEO) Dr. Lalrozama chuan Secretariat, MINECO-a a pisa-ah 2-Dampa (ST) Assembly Constituency Bye election neih tur chungchanga hriattur pawimawh inhrilhhriatna hun NGO-te a hmanpui a.

CEO Dr. Lalrozama chuan inthlanna lo awm tura hriat tur pawimawhte sawiin, Mizoram pum huap inthlanna ni lova Constituency pakhata bye election neih tur a nih avangin Model Code of Conduct-in a huam chinah fimkhur a ngaih thu a sawi a. Vote thlak dawnin Polling station-ah mobile phone ken luh phal a nih loh avangin phone him taka dahthatna tur siam a ni dawn, a ti a. Tun tum inthlannaah hian ECI-in a rel angin polling station zawng zawngah ‘webcasting’ hmangin vote thlak lai endik a nih dawn thu a sawi bawk a. CEO chuan Mizorama inthlanna zalen leh dik kan nei thin chu NGO-te hmalakna leh sawrkar nen thawhhona tha an neih vang a ni tih sawiin, Election Commission of India pawhin hemi kawnga Mizorama NGO-te thawhrimna chu an hriatpuiin lawmawm an tih thu a tarlang a ni.

Vawiin hunah hian MPF, CYMA, MUP, MHIP, MKHC aiawhte an tel a. NGO-ten inthlanna felfai leh tluang zawk neih a nih theih nan rawtna hrang hrang thlenin, thawhho dan tur hrang hrang an sawi ho bawk a ni. Tun tum inthlannaah hian voter mipa 10,716 leh hmeichhia 10,189, a vaiin 20,905 an awm a. Heng zingah hian Servce voter mipa 111 leh hmeichhia 4 an awm a ni.

Polling station awm zat a hnuaiah tarlan a ni -

• Critical Polling Station awm zat : 3 (Silsury I, II & III)
• P/S kalpawh harsa : 2/11- Zopui P/S (Motor a lut lova, Parvatui atangin kilometre 15 vela hla a ni)
• Pink P/S (Hmeichhe hlang enkawl P/S) : 5 (2/2-West Phaileng II, 2/4-W Phaileng Dinthar Veng - I, 2/8-Chhipput, 2/27-Tuahzawl leh 2/28-Rulpuihlim).
• Poll Day hma ni hniha Polling Station pan ngaite : 6 (2/12-Zopui, 2/17-Silsury I, 2/18-Silsury II, 2/19-Silsury II, 2/20-Hnaihva, 2/26-Lianbuang)
• Polling station awm zat a vaiin : 41