No.2412/2021-2022

Aizawl, the 30th September, 2021: Vawiin khan Mizoram Chief Electoral Officer Pu P.Jawahar, IAS chuan political party hrang hrang aiawhte SAD Conference Hall, MINECO, Aizawl-ah kokhawmin thla leh ni 30.10.2021-a 4-Tuirial (ST) Assembly Constituency-a Bye Election kalpui dan tur leh Election Commission of India atangin guidelines awm ang ang a hrilhfiahin an hriat tur thil pawimawh dangte an sawiho.

CEO, Mizoram Pu P. Jawahar chuan Election Commission of India-in 4-Tuirial (ST) AC-a inthlan hun tur a puanzar tawh avangin Model Code of Conduct pawh Kolasib district pumah hman nghal a nih thu leh Covid-19 hrilen avangin political party hrang hrang leh an Candidate te chu campaign hmunah pawh fimkhur takin covid protocol zawm tlat tur a ni tih a sawi a. Supreme Court Order thar ber dated 13.2.2021 leh 10.8.2021 zulzuiin Candidate-te chu inziahluh atanga darkar 48 chhungin thubuai an neih ang angte (criminal antecedents) an thehluh a ngai dawn tih a sawi bawk a, hei hi Party Website ah pawh tarlan tur a ni.

CEO, Mizoram chuan Candidate turte inziahluh hun chu ni 8.10.2021 thleng a hawn a nih thu te, inhnuhdawh theih hun chu ni 13.10.2021 thleng a nih thu te leh inthlanna kaihhnawih hna hrang hrang chu ni 5.11.2021-a zawh fel tur a nih thu a tarlang a. Vote thlak ni tak 30.10.2021 chu Inrinni (Saturday) a nih avangin kohhran thenkhatin Sabbath Ni atan an hman thin thu ECI hotute hriattir a ni a, ECI chuan hei hi ngai pawimawhin tun Bye Election atan Vote thlak hun chu zing dar 7:00 am atangin tlai dar 6:00 pm thleng an rawn pawtsei/ruahman a ni tih a sawi bawk.