Zan hnih riaka Lunglei a tlawh hnu in, Chief Minister Pu Lal Thanhawla chu nizan khan Aizawl alo thleng leh ta. Chief Minister hi a nupui Pi Lal Riliani bakah, Minister te Pu S.Hiato, J.H. Rothuama, H. Rohluna, Lalsawta, Lalrinliana Sailo, Zodintluanga, Minister of State Pu Nihar Kanti Chakma, P.C.Lalthanliana, Dy Speaker Pu John Rotluangliana, Parliamentary Secretary Pu Lal Thanzara, Zothangliana leh Pu Lalhimpuia, Vice Chairman, Lunglei High Power Committee ten an tawiawm a ni.
Chief Minister hi khaw chhe tak hnuaiah amah lawmna hun Circuit House tualah neih a ni a. Chief Minister chuan khawchhe hnuaiah leh zel hetiang programme buatsaih a ni chu lawmawm atih thu a sawiin, awlsam leh tih luai luai loh programme buatsaih chu a duhdan anih thu a sawi a. Inthlanah an candidate, Pu C.L. Ruala leh Pu John Siamkunga te hneh taka an thlan tlin avangin Mizoram mipuite hnenah lawmthu a sawi nghal bawk a ni. Pu Hawla chuan sorkarah leh khawtlang nunah siam that tur tam tak awm chu kan zavaia tang tlangin, ruling rilru pu chungin a siam that hna thawk tlang turin mi zawng zawng a sawm a. Rorelna dik leh tha awm theih na turin danin a kawng a zawh dawn a. A kawnga sut thluk a neih te chu danin ro a rel anga, tumah insawipui theih a nilo anga, insawipui a sawt bawk lovang a ti. A tuar tur chuan a tuar mai anga, ‘zawngin a tuar ai ngauin a tawrh’ loh nan thudik sawi mai turin tute pawh a chah nghal a ni. Kumin chhung atan sorkarin changvawna a thlan pawh Amosa 5 :24 “Rorelna dik chu lui angin luang sela, felna chu luipui kang ngailo angin luang rawh se “a ni a, office tinah intar tur anih thu leh thupek anih thu a sawi bawk a ni.
Mizoram Thalai Kristian Pawl (MTKP) in ‘Zonunmawi Beihpui ‘ thlakna tur programme, abul tanna hun (Launching Programme) Saikuti Halla neih chu hmanpuiin, Chief Minister chuan kan nitin nun leh khawsakna lam siam that beihpui thlakna turah hian sorkarin theihpatawpin a puibawm ang a ti a. Mizo hnam te hi chhan ngai kan ni a, tumah dangin min chhan dawn lova, keimahni leh keimahni kan in chhan a ngai a; chhan tlak kan la awm a ni tiin, MTKP in hetiang programme an buatsaih chu lawmawm a ith thu a sawi bawk a ni. He huna Khuallian Pi Lal Riliani chuan Mizote kan hrisel zawk theih nan zuk leh hmuama kan fihlim a tulzia uar takin a sawi bawk. He Programme kal chho zel tur hi May 31 khian Vanapa Hall, Aizawlah neih tum bawk a ni.
Chief Minister hian Lunglei Civil Hospital chu zing karah tlawhin chipchiar takin chhawng tin a fang a. Damlo enna khawl chi hrang hrang man tam taka a thar anga lei te chu a thar anih a rinloh thu a sawiin, siam that ngai leh tih dik ngaite chu chhui a ni ang a ti. Hospital hotu ten harsatna an neihte chu Chief minister hnenah an thlen bawk a ni.
Lunglei District Village Council Seminar – cum – Training, Art & Culture Auditoriuma neih chu hmanpuiin, Pu Hawla chuan VC memberte chu inzir tura lokal an nih angin, an zir tur account vawn dante, NREGS chungchangte chu hlawhtling taka zir turin a chah a. Sorkar policy pui ber, miretheite chhanchhuah nana NLUP changtlung zawka kalpuina turah VC te chu an pawimawh hle dawn a ni tiin, khua leh tui dik tak ten an dawn theih nan Village Register an vawng vek tur a ni a ti a.Thu neihna semzai chungchangah village level atanga tannin, development fund pawh tam zawk dah anih tur thu a sawi a. NREGA pawh dik taka hman a nih theihna tur leh a hmanna endiktu tur State Level Minotoring Committee din a ni ang a ti. Siam that ngai siam that hna thawktute lakah sorkar chu a inphal hle ang a ti. Chief Minister hian Lunglei District chhunga VC 132 te hnathawhna tur, 12th Finance Commission atanga pek, Rs 68 Lakhs chu DLAO hnenah a hlan bawk a ni. LAD Minister of State Pu P.C. Lalthanliana pawhin thu sawiin, VC kaltlanga department hrang hrangin hnathawhna tur pawisa an dahte chu dik taka hman anih theih nan mipuite hnenah puangzar hmasa thin turin a chah a. Diklo taka hnathawkte chu eng party pawh nise sorkarin a dim loving a ti. Training hi Lunglei District DC PI M.Zohmingtangi’n a kaihruai a ni.
Lunglei High Power Committee (HPC), District Planning Board nen chhunfina din thar chu meeting hmasa ber Sap Upa leh Pu Buanga Hall, Serkawnah neih a ni a. Chairman, Chief Minister Pu Lal Thanhawla chuan meeting kaihruaiin, chhim lam miten developmentin a zuankhum nia an in hriat thinna tihreh anih theih nan leh chak zawka Lunglei Districtin hmasawnna a neih theih nan HPC din alo ni tawh thu a sawi a. Amaherawhcu, thu neihna leh terms of reference mumal a awmloh avangin awmze neiin a kal thei lova, tuna HPC din thar leh hi chu planning fel tak nei tura din anih thu a sawi a ni. Sum pawh tam zawk dah a ni ang a ti. State Planning Board chu tih chak anih tur thu sawi nawnin, hetiang zulzuia HPC pawh hi kal tura a beisei thu a sawilang bawk a. Anti Corruption Bureau pawh ti lianin DIG hnuaia dah tum a nih thu a sawilang bawk a ni. Meetingah hian agenda 20 chuang chhawpchhuah a ni a. HPC Vice Chairman Pu Lalhimpuia’n meetinga kal te lawmna thuchah a sawi a. Ministerte leh member ruat thar ten district hmasawn nana tul leh pawimawh an tih te an sawi bawk a ni.
Mizoram Thalai Kristian Pawl (MTKP) in ‘Zonunmawi Beihpui ‘ thlakna tur programme, abul tanna hun (Launching Programme) Saikuti Halla neih chu hmanpuiin, Chief Minister chuan kan nitin nun leh khawsakna lam siam that beihpui thlakna turah hian sorkarin theihpatawpin a puibawm ang a ti a. Mizo hnam te hi chhan ngai kan ni a, tumah dangin min chhan dawn lova, keimahni leh keimahni kan in chhan a ngai a; chhan tlak kan la awm a ni tiin, MTKP in hetiang programme an buatsaih chu lawmawm a ith thu a sawi bawk a ni. He huna Khuallian Pi Lal Riliani chuan Mizote kan hrisel zawk theih nan zuk leh hmuama kan fihlim a tulzia uar takin a sawi bawk. He Programme kal chho zel tur hi May 31 khian Vanapa Hall, Aizawlah neih tum bawk a ni.
Chief Minister hian Lunglei Civil Hospital chu zing karah tlawhin chipchiar takin chhawng tin a fang a. Damlo enna khawl chi hrang hrang man tam taka a thar anga lei te chu a thar anih a rinloh thu a sawiin, siam that ngai leh tih dik ngaite chu chhui a ni ang a ti. Hospital hotu ten harsatna an neihte chu Chief minister hnenah an thlen bawk a ni.
Lunglei District Village Council Seminar – cum – Training, Art & Culture Auditoriuma neih chu hmanpuiin, Pu Hawla chuan VC memberte chu inzir tura lokal an nih angin, an zir tur account vawn dante, NREGS chungchangte chu hlawhtling taka zir turin a chah a. Sorkar policy pui ber, miretheite chhanchhuah nana NLUP changtlung zawka kalpuina turah VC te chu an pawimawh hle dawn a ni tiin, khua leh tui dik tak ten an dawn theih nan Village Register an vawng vek tur a ni a ti a.Thu neihna semzai chungchangah village level atanga tannin, development fund pawh tam zawk dah anih tur thu a sawi a. NREGA pawh dik taka hman a nih theihna tur leh a hmanna endiktu tur State Level Minotoring Committee din a ni ang a ti. Siam that ngai siam that hna thawktute lakah sorkar chu a inphal hle ang a ti. Chief Minister hian Lunglei District chhunga VC 132 te hnathawhna tur, 12th Finance Commission atanga pek, Rs 68 Lakhs chu DLAO hnenah a hlan bawk a ni. LAD Minister of State Pu P.C. Lalthanliana pawhin thu sawiin, VC kaltlanga department hrang hrangin hnathawhna tur pawisa an dahte chu dik taka hman anih theih nan mipuite hnenah puangzar hmasa thin turin a chah a. Diklo taka hnathawkte chu eng party pawh nise sorkarin a dim loving a ti. Training hi Lunglei District DC PI M.Zohmingtangi’n a kaihruai a ni.
Lunglei High Power Committee (HPC), District Planning Board nen chhunfina din thar chu meeting hmasa ber Sap Upa leh Pu Buanga Hall, Serkawnah neih a ni a. Chairman, Chief Minister Pu Lal Thanhawla chuan meeting kaihruaiin, chhim lam miten developmentin a zuankhum nia an in hriat thinna tihreh anih theih nan leh chak zawka Lunglei Districtin hmasawnna a neih theih nan HPC din alo ni tawh thu a sawi a. Amaherawhcu, thu neihna leh terms of reference mumal a awmloh avangin awmze neiin a kal thei lova, tuna HPC din thar leh hi chu planning fel tak nei tura din anih thu a sawi a ni. Sum pawh tam zawk dah a ni ang a ti. State Planning Board chu tih chak anih tur thu sawi nawnin, hetiang zulzuia HPC pawh hi kal tura a beisei thu a sawilang bawk a. Anti Corruption Bureau pawh ti lianin DIG hnuaia dah tum a nih thu a sawilang bawk a ni. Meetingah hian agenda 20 chuang chhawpchhuah a ni a. HPC Vice Chairman Pu Lalhimpuia’n meetinga kal te lawmna thuchah a sawi a. Ministerte leh member ruat thar ten district hmasawn nana tul leh pawimawh an tih te an sawi bawk a ni.
