Karnataka khawpui Bangalore a cham mek, Chief Minister Pu Lal Thanhawla chuan Bangalore Mizo Association ten Silver Jubilee lawmna an neih chu  a hmanpui a. Nimin khan Karnataka Chief Minister B.S.Yeddyurappa leh Karnataka Law Minister Suresh Kumar te hmu in, inkawmna hun tha tak an nei a. Bangalore khawpuia Mizoram House sakna tur hmun chinfel sak thuai a tum thu Karnataka Chief Minister hian Pu Lal Thanhawla chu a hrilh a ni.

 

 

 

 

 

Kum 10 kalta chhunga Bangalore khawpuia Mizoram House sakna hmun tur ruahmanna siam tawh chu engemaw avangin sut leh a ni a. Karnataka sorkar ina hmun dang pek leh a lo tiam tawh, mahse bawhzui lova kum tam tak a  awm hnu-in Mizoram Chief Minister Pu Lal Thanhawla hmalakna a zarah Karnataka Chief Minister B.S.Yeddyurappa hian bawhzui alo tiam ta a ni.

Chief Minister leh a nupui Pi Lal Riliani te hian Bangalore Mizo Association  Silver Jubilee Celebration Closing Ceremony, UTC, Ranson Hall-a neih chu an hmanpui nghal a ni.

Bangalore a awm chhung hian Chief Minister Pu Lal Thanhawla hi a nupui bakah Pu Lalrokhuma Pachuau, Mizoram DGP leh Pu R.L.Rinawma, Commissioner/Secretary to Govt of Mizoram, Induestries Deptt etc. ten an tawiawm a ni.

Chief Minister hi thawhtanni lo awm tur, ni 5 Oct 2009 khian Aizawl ah alo let leh ang.