Nimin khan Chief Minister Pu Lal Thanhawla leh a thawhpuite Pu Lalsawta, Education Minister, Pu S. Hiato, PHE Minister, Pu J.H. Rothuama, Revenue Minister, Pu Zodintluanga, UD & PA Minister, Pu PC Lalthanliana, LAD Minister, Pu N.K. Chakma, AH & Vety Minister, Pu John Rotluangliana, Dy. Speaker te Champhai-ah kalin Darthangvunga point-ah zirlai leh mipui thahnem takin an lo hmuak.
Anmahni lo lawmna inkhawm hi Champhai D.C. Pu T.V. Fambawl-in kaihruaiin department hrang hrang leh party bakah pawl hrang hrangte atangin duhsakna pangpar thahnem tak hlan an ni.
He hunah hian thu sawiin Chief Minister Pu Lal Thanhawla chuan Mizoram sorkar, mipui sorkar kan din dawn a ni, a ti. A kaihhruai sorkar-in a ngaih pawimawh zual tur a sawi zingah Champhai tana hmasawnna thleng thei turte tarlangin Revenue department ah ASO - I dah te, ICDS office hawn thuai anih tur te, Polytechnic Champhai-ah hawng tura hmalak a ni dawn a, hemi atan hian vaibelchhe 2.2 bul tanna tur pawh a awm sa tawh a ni, a ti a. UP & DA hnuaiah chenna In neilo chhungkaw 327 te insak sak anih tur thu te, Zokhawthar a Indo-Myanmar Border Trade ti puitling tura chak zawka hmalak anih tur thu leh Union Commerce Minister nen hemi buaipui tura lokal thuai an tum thu sawiin tun thla chhunga Myanmar lam thuneitute an inpeih hman chuan hmalak dan tur rel ho turin meeting an nei dawn tih a sawi a. Champhai damdawi in sakna tur sum tam tak buaipui mek anih thu te a tarlang bawk a ni.
Chief Minister leh a thawhpuite hian vawiin hian Zokhawthar leh a chhehvel tlawhin Zokhawthar-ah hian public meeting neih a ni a, naktuk chawhma dar 11 ah hian I & PR Conference Hall, CHANEM ah Champhai District-a sorkar officer te nen inkawmna buatsaih a ni ang.
He hunah hian thu sawiin Chief Minister Pu Lal Thanhawla chuan Mizoram sorkar, mipui sorkar kan din dawn a ni, a ti. A kaihhruai sorkar-in a ngaih pawimawh zual tur a sawi zingah Champhai tana hmasawnna thleng thei turte tarlangin Revenue department ah ASO - I dah te, ICDS office hawn thuai anih tur te, Polytechnic Champhai-ah hawng tura hmalak a ni dawn a, hemi atan hian vaibelchhe 2.2 bul tanna tur pawh a awm sa tawh a ni, a ti a. UP & DA hnuaiah chenna In neilo chhungkaw 327 te insak sak anih tur thu te, Zokhawthar a Indo-Myanmar Border Trade ti puitling tura chak zawka hmalak anih tur thu leh Union Commerce Minister nen hemi buaipui tura lokal thuai an tum thu sawiin tun thla chhunga Myanmar lam thuneitute an inpeih hman chuan hmalak dan tur rel ho turin meeting an nei dawn tih a sawi a. Champhai damdawi in sakna tur sum tam tak buaipui mek anih thu te a tarlang bawk a ni.
Chief Minister leh a thawhpuite hian vawiin hian Zokhawthar leh a chhehvel tlawhin Zokhawthar-ah hian public meeting neih a ni a, naktuk chawhma dar 11 ah hian I & PR Conference Hall, CHANEM ah Champhai District-a sorkar officer te nen inkawmna buatsaih a ni ang.
