Kar khat thanga Delhi-a a cham hnu in, Chief Minister Pu Lal Thanhawla chu vawiin khan dam takin, amah tawiawmtu a nupui Pi Lal Riliani nen Aizawl an lo thleng leh ta.

 

 

Delhi-a a cham chhung hian Chief Minister chuan National Disaster Management Commission Chairman leh memberte nen inkawm hona neiin, hun remchang hmasa berah Mizoramah training rawn buatsaih anih tur thu an lo hrilh a. Institute for Landslide & Flood Control te hman tangkai leh Foreign Technology, ‘Dopler’ tia hriat - ‘forecast technology’- khawchin bakah thli leh leimin zirna hmanrua te Mizoram hmun hrang hrang, a tulna hmuna dah theih dan turte an sawiho a ni. Heng bakah hian National Development Volunteer Training Institute pawhin Mizorama training buatsaih anih theih dan turte an sawiho bawk a. Hengte hi bawhzui anih theih nan NEC member I.K.Barthakura’n Aizawl alo kal remchan hunah la sawiho leh tur a ni.

Tarlan tawh angin Chief Minister in Mizoramin buhfai harsatna a tawh chungchang a Central sorkar hotute nena an inbiak tuma hotu lian tel ve, tar hmaih palh te kha Food & Civil Supply Secretary, Petroleum Additional Secretary leh Director General Railway Protection Board te an ni.

Chief Minister hi Lengpui Airportah mipuiin an lo hmuak a ni.