Nimin (13.8.2018) chawhnu khan Chief Minister Pu Lal Thanhawla hovin Council Of Minister te chu Chief Secretary’s Conference Room-ah sawrkar department hrang hrang rawtna pawimawh ngaihtuah a ruahmanna leh thutlukna siam turin an thukhawm. Cabinet Meeting-ah hian department 9 atanga Agenda 14 lut bakah Additional Agenda engemawzah ngaihtuah a ni.
Agenda chhawpchhuah zingah heng – Work-charged Overseer Grade-II te Work-charged JE (PWD) a leh dilna te; The Mizoram Private Security Agencies (Amendment) Rules, 2018 (Home) te; Framing of the Mizoram Lotteries (Regulations) Rules, 2018 (Finance) te; Seventh Central Revision of Pay (as modified and exyended to the employees under the Government of Mizoram) Rules, 2018 pawm dilna leh Grant of Revised Allowances to the Employees of the Govt. of Mizoram (Finance) te; Social Welfare Directorate chu Directorate of Social Welfare & Tribal Affairs leh Directorate of Women and Child Development (Social Welfare Department) a then te; The Mizoram Ministerial Service (Amendment) Rules, 2017 (DP&AR) te; Proposal for creation of 50 various posts for establishment of 4 GNM School 4 leh and ANM School 3 din theih nan a post hrang hrang 50 siam dilna (Health & Family Welfare Dept.) te; GHSS a Vocational Education Teacher post 36 siam thar (School Education Dept.) te; leh Draft Mizoram PHED Enlistment of Contractors Rules, 2018 (PHED) te chu approve/ pawm a ni. Home Department atanga agenda lut – The Mizoram Home Guard Bill, 2018 leh Proposal for the Mizoram Essential Services (Amendment) Bill, 2018 te chu approve ni bawkin, Ordinance pawh siam a pawm nghal a ni.
School Education Department hnuaia Aided/Non-Formal Primary School zirtirtu 36 te dah nghet tura rawtna lut chu heng zirtirtute hlawh hi tihpun sak turin Cabinet meeting hian a rel a. Fisheries Department hnuaia Fishermen post 4 surrender a Technical Assistant post 1 leh Fisheries Investigator Post 1 siam belh dilna chu kalphung pangngaia an bawhzui remtih sak an ni. Additional Agenda lut zingah Health & Family Welfare atanga lut pahnih - "Mizoram Institute of Medical Education & Research, Falkawn" tih chu "Mizoram Institute of Medical Education and Research Society, Falkawn, Mizoram" tia thlak leh Draft Mizoram Anatomy Ordinance, 2018 chu pawm a ni a. Department pahnih chhunfin a nih avanga Commerce & Industries hnuaia sawrkar hnathawkte awmdan tur tifel tura DP&AR atanga rawtna lut chu pawm a ni bawk.