1451/2022-2023

Aizawl, 03.08.2022: Chief Minister Pu Zoramthanga hovin vawiin khan Home Minister Pu Lalchamliana leh Home department hotute chuan department hmasawnna tur ngaihtuah ngai hrang hrangte sawiin CM Conference Hall-ah an thukhawm.

Vawiin meeting-ah hian Home Department thawktu dinhmun chipchiar taka thlirhovin, indaihlohna te sawiho a ni a. Heng bakah hian hmasawnna ruhrel din hna thawh mek leh hmachhawp te, venhim hnathawh tihchakna tura hmalak belh ngai leh thu pawimawh tak tak dang sawiho a ni.

Tun hnaia Mizoram Police in hma an lo lakna zingah free medical camp buatsaih te, thingkung phun te, Drugs, Cyber crime leh Legal remedies chungchanga inhrilhriatna buatsaih te, de-addiction camp neih te, ruihhlo man leh ramsa khawi phal loh tawlhruk man te a tel a ni.

Vawiin meeting-ah hian DGP Pu Devesh Chandra Srivastava, Finance Commissioner Pu Vanlal Chhuanga, Planning & Programme Implementation Secretary Pu Lalmalsawma Pachuau leh Home department official dangte an tel a ni.