Vawiin khan Chief Minister Pu Lal Thanhawla hovin Planning Board Member-te leh NLUP Apex Committee-te nen NLUP hmalak dan tur an thlir ho. He Meeting ah hian Pu H. Liansailova, Agriculture Minister, Pu R. Selthuama, Vice-Chairman, NLUP Apex Committee te bakah Pu Vanhela Pachuau, Chief Secretary, Pu Lalkhama, IAS, Vice Chairman Planning Board, Pu PL Thanga, Member Secretary, Planning Board, Pi L. Tochhawng, IAS, Principal Secretary, Pu Lalsawta, IAS, Principal Secretary, Planning Board, Pu TP Khaund, IAS (Rtd) Chief Adviser to Govt. of Mizoram, Wg. Commander Lalnghinglova, Pu H. Vanneia, Pu LR. Lasker, IAS, OSD(NLUP), Pu C. Lalzarliana, Jt. Director, Agri. & Technical Adviser NLUP te an tel a ni.

 

 

 

He Meeting hi Chief Minister Pu Lal Thanhawlan a kaihruaia, Zoram mipuiten nghakhlel taka an thlir NLUP hmalak dan tur tluang taka a kal chho zel chu lawmawm a ti a, Kohhran hruaitute pawhin NLUP hi kan ram dinchhuahna atana beiseina lian ber a nih thu an sawia, chuvangin chak thei ang bera hnabul tan thei tura kan inbuatsaih pawh a ngai a ni a ti.

He Meeting ah hian Planning Board-in  NLUP kalpui dan tur an lo duan lawk te chipchiar takin an thlir ho a, siamrem ngai laite siamtha in chak taka hmalakna hi kalpui nise an ti a.

Vawiin vek khan Planning Board  huaihawtin Agri. Consultation Committee an thu a. Hetah hian NLUP enkawltu tur Deptt. Secretary te, Director te bakah District tina Deputy Commissioner te an tel a. NLUP project an duan lawk te uluk takin an thlir ho a, siamthat ngai te siamtha in Committee lian zawkah hian an rawn chhawp a ni.