Tun sorkar term thara NLUP kalphung siam that ngaite thlirin vawiin khan Chief Minister Pu Lal Thanhawl hovin NLUP Implementing Board hotute chu NIB conference hall-ah an thukhawm a. State Planning Board Vice Chairman Pu H.Liansailova pawhin he meeting ah hian a tel a ni.

He meeting ah hian Chief Minister chuan sorkar hmalakna kawng tinrengah inrenchem chu sorkar thupui a nih tur thu a sawi a. NLUP chu mipui sum a nih avangin pakhat mah pawh pen a rem lo va, NLUP hnuaia Cell hrang hranga thawktu sorkar official te ngat phei chuan an hlawh bak NLUP sum atangin hlawkna leh mimal hamthatna tel an tum tur a ni lo, a ti. Sum renchem turin hnathawktu pawh tih tlem zawk a tul tih Chief Minister chuan a tarlang bawk a ni.

Vawiina meeting ah hian sorkar term thara NLUP kalphung thlak danglam ngaite sawiho a niin siam that ngai awmte bawhzui dan tur pawh rel nghal a ni a. January 14 a Kuthnathawktute Ni hman dan tur pawh rel a ni bawk.