No.6469/2020-2021

8.November.2020: Vawiin khan Chief Minister Pu Zoramthanga hovin CM office Conference Hall-ah sawrkar hotulu ten Mizoram leh Assam a sawrkar laipuiin Central Armed Police Force a rawn dah chungchanga Mizorama BSF company 3 te awmhmun tur leh thu pawimawh dangte an sawiho.

Meeting-ah hian tun a state pahnih inkara ramri a innghirnghona awm meka sawrkar laipuiin Assam state-ah SSB tirh angin Mizoramah BSF an rawn tirh te awmhmun tur sawiho a ni a. Vairengte ah Mizoram police awmna thlanga awm hmun khuar sak tura ruahman a ni a. Vairengte, Saihapui V leh Thinghlun duty post te chu siamrem tum a ni.

Vawiin meeting-ah hian ramri kan tur lirthei tangkhang engemawzat awmte chu an tlang thuai theih nan a hmalakna kal mek te sawiho a ni bawk. Vawiin chawhnu hian sawrkar laipuia Home Secretary hovin Assam leh Mizoram sawrkar hruaituten inbiakna neiin, hetah pawh hian state pahnih a chengte tan ramri buaina hi a tawp thuai theih nana hmalak zui dan tur sawiho a ni.

Meeting-ah hian Home Minister Pu Lalchamliana, Serlui bialtu MLA Pu Lalrinsanga Ralte te, Chief Secretary, Additional Chief Secretary, DGP, Home Secretary, IGP te leh Home department a hotu dangte an tel a ni.

Attachment

  • Loading attachment...