Sarva Shiksha Abhiyan (SSA) & Rashtriya Madamik Shiksha Abhiyan (RMSA ) General Body Meeting vawi 7-na chu vawiin khan Chief Minister Office Conference Hall-ah Chief Minister Pu Lal Thanhawla hovin neih a ni.
Thuhma a sawiah Chief Minister chuan Mizoramah zirna tha zawk kan neih theihna kawngah SSA, RMSA leh Right of Chilren for Free and Compulsory Education Act, 2009 kan hman hian rah duhawm tak a neih ngei a beisei thu a sawi a. Zirna lamah hian central sorkar nen kan thawhhona hi a chhuanawm hle a tiin, he meeting a Union Ministry of Human Resources Development atanga lokal Pu Arun Kumar Sharma leh Banaras Hindu University atanga Dr. Shravan Kumar Singh te chungah lawmthu a sawi a. School Education Department kaltlanga SSA leh RMSA hmalakna a hlawkna kan hmuh theih te chu : Zirtanna bul, elementary school tih chak alo ni thei ta hi School thar avangte, zirtirtu thar, zirtirna hmanraw changtlung zawk te, text bu a thlawna sem te leh zirtirtute training vangte a ni a, Secondary level-ah High School 23 sak thar te bakah a awmsa 154 te thuamthat an ni te hi zirna lama hma min tisawntu anih ngei a beisei thu a sawi bawk a ni. Chief Minister chuan The Right to Children to Free and Compulsory Education Act, 2009 in India rampuma zirna chawikangtu anih angin, Mizoram ah pawh a ni ve ngei ang a ti a. Tunah hian Mizoram sorkar chuan phur takin Educational Backward Block Lungsen-ah Model School scheme hmang tan a, kum 2 dang chhunga block 25 la awmah zawh theih beisei a ni a ti.
Meeting ah hian Secretary School Education department report a pek angin, Kum 2009-10 chhunga RMSA Annual Plan atangin sorkar High School awm ngai lohna khaw 23-ah sorkar High School dinthar tura Central sorkar atanga sanction hmuh angin hma lak mek a ni a, sikul pakhat hi cheng nuai 58.12 zela sak tur niin classroom mai bakah Science room, computer room, Art & Craft room, library room leh thil dang tamtak a keng tel dawn a, heng sikula zirtirtu tur pawh hi RMSA atanga pek tur a nih thu tarlan a ni bawk.
Heng sikul thar sak bakah hian sorkar High School dinglai 154 sak thar/that na tur cheng nuai 5275.67 pawh Central sorkar chuan RMSA atanga sanction tawhin tunah hian hma lak mek a ni bawk. Heng sikul building sak turte hi tha tak leh felfai taka sak anih theih nan Monitoring leh supervision uluk taka ti turin Education Department hotute a hrilh a ni.
Central sorkar duh dan angin SSA leh RMSA chu Society pakhat Mizoram Education Mission Society-in ken chhunzawm zel tha tih a ni a, he society hian RMSA leh SSA bakah Model Schools Scheme leh Girls Hostel Scheme pawh a enkawl zui rem tih a ni.
He meeting-ah hian Govt. of India aiawha tel Mr. Arun Kumar Sharma, Under Secretary, MHRD pawhin thu sawiin Mizoram chu Northeast State 8 zingah Education Development Index (Central sorkarin Elementary Education atana State tha a tehna)-a pakhatna an nih avangin Chief Minister leh Education Minister bakah Department Official-te hnenah lawmthu a sawi a, scheme dangah pawh tha leh chak taka a kalzel a beisei thu a tarlang bawk.
He meeting-ah hian kum 2010-11 chhunga Secondary Education atana plan hrang hrang, Model School Scheme 2010-11, Girls Hostel Scheme 2010-11 bakah Annual Works Plan and Budget 2010-11 and Perspective Plan 2010-11 to 2016-17 for RMSA siamtu tur Planning Team leh Appraisal Team a duang fel bawk.
SSA Annual Plan for 2010-11 atan sum ruahman cheng nuai 9057.53 pawh central sorkarin a tihfel thuai a beisei thu tarlan a ni bawk.
Meeting ah hian Secretary School Education department report a pek angin, Kum 2009-10 chhunga RMSA Annual Plan atangin sorkar High School awm ngai lohna khaw 23-ah sorkar High School dinthar tura Central sorkar atanga sanction hmuh angin hma lak mek a ni a, sikul pakhat hi cheng nuai 58.12 zela sak tur niin classroom mai bakah Science room, computer room, Art & Craft room, library room leh thil dang tamtak a keng tel dawn a, heng sikula zirtirtu tur pawh hi RMSA atanga pek tur a nih thu tarlan a ni bawk.
Heng sikul thar sak bakah hian sorkar High School dinglai 154 sak thar/that na tur cheng nuai 5275.67 pawh Central sorkar chuan RMSA atanga sanction tawhin tunah hian hma lak mek a ni bawk. Heng sikul building sak turte hi tha tak leh felfai taka sak anih theih nan Monitoring leh supervision uluk taka ti turin Education Department hotute a hrilh a ni.
Central sorkar duh dan angin SSA leh RMSA chu Society pakhat Mizoram Education Mission Society-in ken chhunzawm zel tha tih a ni a, he society hian RMSA leh SSA bakah Model Schools Scheme leh Girls Hostel Scheme pawh a enkawl zui rem tih a ni.
He meeting-ah hian Govt. of India aiawha tel Mr. Arun Kumar Sharma, Under Secretary, MHRD pawhin thu sawiin Mizoram chu Northeast State 8 zingah Education Development Index (Central sorkarin Elementary Education atana State tha a tehna)-a pakhatna an nih avangin Chief Minister leh Education Minister bakah Department Official-te hnenah lawmthu a sawi a, scheme dangah pawh tha leh chak taka a kalzel a beisei thu a tarlang bawk.
He meeting-ah hian kum 2010-11 chhunga Secondary Education atana plan hrang hrang, Model School Scheme 2010-11, Girls Hostel Scheme 2010-11 bakah Annual Works Plan and Budget 2010-11 and Perspective Plan 2010-11 to 2016-17 for RMSA siamtu tur Planning Team leh Appraisal Team a duang fel bawk.
SSA Annual Plan for 2010-11 atan sum ruahman cheng nuai 9057.53 pawh central sorkarin a tihfel thuai a beisei thu tarlan a ni bawk.
Attachment
- Loading attachment...
