Chief Minister Pu Lal Thanhawla chuan tun hnaia thli leh ruah nasa tak avanga in leh huan thlai chan-a, nunna hial chan te chhungkua thlamuan tur leh a hmuna thil awmdan diktak hre turin a bial chhung Serchhip leh Thenzawlte inrinni kalta ni 3 April 2010 khan langin a tlawh.Chief Minister hi Serchhip D.C.Pu H.Darzika’n P&E Rest House Bukpui-ah lo dawngsawngin thil awmdan tlangpui report a pe hmasa a. Serchhip VC 4 theuh ten an huam chhunga thli in chenna in leh huan leh leilette a tihchhiat dan an sawi hlawm a, Deputy Commissioner Pu H.Darzika inpekna chu chhuanawm an tih thu an sawi hlawm bawk a ni. Serchhip VC te chuan rial tla-in thlam leh zikhlum atihchhiat nasat thu an report bawk a ni. Chief Minister chuan thil thlen dan diktak report turin leh intanpui tawn tur kan ni tih hre reng turin a chah a. Thlipui ruahpui vanga chhiat kan tawhna hi Mizo tak leh kristian taka hmachhawn tura chahin, tanpuina ringawtah innghat lo turin a chah a ni.
Ni 30.3.2010 zana thlipui avanga an in chimin a delhhlum tak Hermon Venga mi Pu Zalawma (65) leh naupang hliam tuar hnenah sorkar angin cheng singnga pek an lo ni tawh a. Chief Minister hian lusun chhungte hi a mimal angin a ral nghal bawk a ni.
Thlipui ruahpui hian Serchhip District chhunga Thenzawl khua chu a nuai nasat ber a ni a. District chhung khaw danga in luah tlakloh chhesawp vek 9 a tam ber anih laiin, Thenzawl ah chuan 42 a awm a, chhe nialnual 230 lai a awm bawk a ni. Serchhip district chhunga thlipui ruahpui vanga chenna in chhia report chu luah tlakloh 87 leh chhe nialnual 638 a ni. Chhiat tawkte chhawmdawlna turin Disaster Management & Rehabilitation Department atangin Cheng nuai 7 hmuh anih tawh thu Serchhip DC Pu H.Darzika chuan a sawi bawk a ni.
Thlipui ruahpui hian Serchhip District chhunga Thenzawl khua chu a nuai nasat ber a ni a. District chhung khaw danga in luah tlakloh chhesawp vek 9 a tam ber anih laiin, Thenzawl ah chuan 42 a awm a, chhe nialnual 230 lai a awm bawk a ni. Serchhip district chhunga thlipui ruahpui vanga chenna in chhia report chu luah tlakloh 87 leh chhe nialnual 638 a ni. Chhiat tawkte chhawmdawlna turin Disaster Management & Rehabilitation Department atangin Cheng nuai 7 hmuh anih tawh thu Serchhip DC Pu H.Darzika chuan a sawi bawk a ni.
