Chief Minister Pu Lal Thanhawla chuan vawiin khan DIET building, Chaltlangah Association of Mizoram DIET Employees (AMDE) Gen.Conference vawi 2-na a hmanpui.

Chief Minister chuan District Institute of Education and Training (DIET) a academic staff te chu zirtirtute zirtirtu in nih angin in hna hi a pawimawh em em a, englai pawha chhung lam leh pawnlam in uluk a, zuk leh hmuamah fihlim a, ei leh inah fimkhur turin a chah a. Mi te tana malsawmna ni turin entawn tlaka awmin, mahni thawhchhuah chhunga khawsa thiam turin a chah a. Mizoram hi model state ni thei tura a thawhhlawk thei ber tur in ni a ti. District tinah DIET puitling kan nei ta hi hmasawnna lawmawm tak a ni Pu Hawla chuan a ti.

Chief Minister chuan kum 2010 atang khan zirna, education hi Fundamental Rights ah telh a ni tawh tiin, Right to Education Act in a phut angin naupang kum 6-16 inkarte chu education an la ngei ngei tur a ni a ti a. Mizoram hi ziak leh chhiarah sang mahila zirna quality ah kan sanglo a, chuvangin world class quality pe thei turin Education Reforms Commission kan din a, rawtna tha tak tak an siam a, amaherawhchu, ataka kalpui tuin sum tam tak angaih avangin duh angin kan kalpui theilo a ni a ti a. Lehkha thiam tam tak kan awm a, mahse competitive exam paltlang thei silo, politics ah te an lut a, politics hi an ti tenghneng ang tih a hlauhawm khawp mai a ti. Zirtirtute chu a chhelai siam tha tu tur in ni a ti a. Pu Hawla chuan Spoken english ah te kan san loh avangin infiamna lama hmasawnna kan hmuh chhohah te harsatna kan tawk thin a ni a ti.

Chief Minister chuan zirtirtute zingah thingtlang atanga khawpuia transfer dil an tam thin a, hei hi chenna tur in tha a tlem vang niin kan hria a, quarter sak a tul tih pawh kan hria a ni a ti. Mizoramah DIET puitling district tinah a awm a, thawktu zawng zawng hi supporting staff 152 tiamin an vaiin 321 an awm mek a ni.

Gen. Conference hi session thumah then a ni a, hruiatu thar thlanna neiin, MJA ten inthlan hi an buaipui a ni.

Attachment

  • Loading attachment...