BSNL 3rd Generation Mobile Service chu Chief Minister Pu Lal Thanhawla chuan vawiin khan I & PR Auditorium ah mobile handset hmanga BSNL hotupa, vawiina lo tel ve Pu Gopal Das, Director (HR) BSNL Board, New Delhi nena inbia in a hawng.
Chief Minister chuan hetiang inbiakpawhna changkang tak India rama hmun kilkhawr ber, Aizawl khawpuia hman theih tura an bun ta chu lawmawm atih thu sawiin, BSNL chungah lawmthu a sawi a. BSNL chu khawvelah mobile system len lam tehnaa pasarihna an ni chu fakawm a tihthu a sawi bawk a. Mizoram chu furtui tam laia leimin tamna anih avangin inbiakpawh zung zung awlsam zawka kan neih theih nan BSNL chu an network tizauva, VC zawng zawng inbepawp thei tura hma la turin Pu Hawla chuan BSNL hotute chu a ngen nghal a. Video Conferencing kan lo enchhin tawhah leh Telemedicine a changtlung zawk leh district khawpui zawng zawng kan inpawh theihna turin he 3G Mobile Service hian a chhawmdawl ngei a beisei thu a sawi bawk a. Hemi huna BSNL hotu New Delhi leh North East atanga an hotu lian zawng zawng an lokal chu 3G Mobile Service hawn hi an ngaipawimawh hle a ni tih a tichiang a ni tiin, Chief Minister chuan an chungah lawmthu a sawi bawk a ni.
Chief Minister chuan thil changkang tak kan neih hian a thalo lam pawh a keng tel ve a ni tih hriaa, 3G mobile service pawh hi awlsam taka hman khawloh theih anih avangin fimkhur taka hmang thin tur leh chutiang laka a ven hna thawk tlang turin mitinte a ngen nghal a. Tunah hian Mizoramah mobile phone hmang hi nuai 3, nuai 4 vel awm anga chhut anih thu sawiin, Chief Minsier chuan a hman man thla tina a bill kan senso hi cheng vaibelchhe 10 vel nia chhut anih thu a sawi a. Keini ang state pachhe tak tan chuan tam a tih thu sawiin, 3G mobile service hian ala tihpun ngei a rin thu a sawi bawk a ni.
Chief Minister chuan BSNL in cancer veite tana Aizawl leh Zemabawk Cancer Khualbuk inkara hman tur Ambulance Tata Winger an pek avang leh Computer set 1 theuh leh Internet broadband connection school bik pali, Gosen school, Kolasib, MHIP Special school,Lunglei, Shalom Special school, Serchhip leh Moriah Special school,Luangmual te hnena an pek avangin lawmthu a sawi bawk a ni.
3rd Generation Mobile Service ina a ken tel tlangpui chu handset screenah inbiate hmel a inhmuh theih (video phone), high speed broadband connection– 3.6 mbps – a hman theih avangin rang takin video a download zung zung theih ang, Mobile TV a ni a, ‘live’ leh channel 34 zinga duh duh en theih reng , Multi Media Download – music, video, games etc rang takin download theih, GPRS map hi 3G ah chuan fiah takin a hmuh theih, hengte bakah hian kan duh a nih chuan computer-ah chiang zawkin a tih theih vek a, media te tan a tangkai em em bawk a ni.
3G mobile service hi Lunglei, Champhai leh Kolasibah te la bun chhoh zel a ni ang.
He hunah hian Pu Lalrinliana Sailo, Health Minister, Pu Zodintluanga, I& PR Minister leh Pu P.C.Lalthanliana, Minister of State for Social Welfare te chu Khualzahawm an ni.
Chief Minister chuan thil changkang tak kan neih hian a thalo lam pawh a keng tel ve a ni tih hriaa, 3G mobile service pawh hi awlsam taka hman khawloh theih anih avangin fimkhur taka hmang thin tur leh chutiang laka a ven hna thawk tlang turin mitinte a ngen nghal a. Tunah hian Mizoramah mobile phone hmang hi nuai 3, nuai 4 vel awm anga chhut anih thu sawiin, Chief Minsier chuan a hman man thla tina a bill kan senso hi cheng vaibelchhe 10 vel nia chhut anih thu a sawi a. Keini ang state pachhe tak tan chuan tam a tih thu sawiin, 3G mobile service hian ala tihpun ngei a rin thu a sawi bawk a ni.
Chief Minister chuan BSNL in cancer veite tana Aizawl leh Zemabawk Cancer Khualbuk inkara hman tur Ambulance Tata Winger an pek avang leh Computer set 1 theuh leh Internet broadband connection school bik pali, Gosen school, Kolasib, MHIP Special school,Lunglei, Shalom Special school, Serchhip leh Moriah Special school,Luangmual te hnena an pek avangin lawmthu a sawi bawk a ni.
3rd Generation Mobile Service ina a ken tel tlangpui chu handset screenah inbiate hmel a inhmuh theih (video phone), high speed broadband connection– 3.6 mbps – a hman theih avangin rang takin video a download zung zung theih ang, Mobile TV a ni a, ‘live’ leh channel 34 zinga duh duh en theih reng , Multi Media Download – music, video, games etc rang takin download theih, GPRS map hi 3G ah chuan fiah takin a hmuh theih, hengte bakah hian kan duh a nih chuan computer-ah chiang zawkin a tih theih vek a, media te tan a tangkai em em bawk a ni.
3G mobile service hi Lunglei, Champhai leh Kolasibah te la bun chhoh zel a ni ang.
He hunah hian Pu Lalrinliana Sailo, Health Minister, Pu Zodintluanga, I& PR Minister leh Pu P.C.Lalthanliana, Minister of State for Social Welfare te chu Khualzahawm an ni.
Attachment
- Loading attachment...
