4878/2024-2025

Aizawl the 28th March 2025: Vawiin khan Chief Minister Pu Lalduhoma chuan a office-ah Central Task Force on Compliance Reduction and Deregulation te a kawm a. Mizoram tlawha an rawn zin chhan leh an hmalaknate a sawipui.

Chief Minister hian meeting hrang hrang an neihna minute te a rawn chhuah hunah a tul ang zela sawrkarin a lo bawhzui tur thu a hrilh a. Mizoram sawrkarin Investment Policy a neih thar thu te, rail fed Industrial zone din tura hmalak mek a nih thute pawh a lo hrilh.

Task Force hi Pu Vivek Bharadwaj, IAS, Secretary, Ministry of Panchayati Raj chuan a rawn ho va. Pu Lalmalsawma Pachuau, Secretary, Planning leh Pu Chuauhnuna, Director, LAD ten an tawiawm bawk.